Investidura PR Foun, Presidente Portugal no Bainaka Espesial Sira To’o Ona Timor-Leste

DILI, www.news-viptv.com –  Presidente Portugál Marcelo Rebelo de Sousa too ona Timor-Leste hodi partisipa seremonia investidura Prezidenti Republika foun, Dr. Jose Ramos Horta ne’ebe sei realia iha Kinta (19/5/2022), iha Tasi Tolu, Dili.

Alende Presidenti Portugal, iha mos Primeiru Ministru Guine Bissau, Dr. Nuno Gomes Nabaiam no mos Ministru Negosiu Estranjeiru Japaun, Miyaki Shingo, Ministru Negosiu Estranjeiru Singapura, Mohd Maliki Osman.

Hosi Indonesia, Prezidenti Joko Widodo delega nia Ministru Koordenador Politika, Justisa, no Seguransa (Menkopolkam), Mahfud Md.

Dr. Jose Ramos Horta iha eleisaun prezidensial volta daruak 19 Abril 2022 eleitu ba prezidenti republika foun hodi troka Francisco Guterres Lu-Olo.

Kargu prezidenti republika ba Dr. Jose Ramos Horta, nudar kargu ba daruak antes nia asumi iha 2007-2012.

Desde 20 Maiu 2022, Timor-Leste alende Dr. Jose Ramos Horta no Francisco Guterres Lu-Olo, Timor-Leste iha ona prezidenti republika dala 5 maka ho Xanana Gusmao no Taur Matan Ruak.