Inkontru Semanal PR-PM Koalia Preparasaun Selebrasaun 30 Agostu no Vizita Papa Francisco

DILI, www.news-viptv.com –  Selebrasaun 30 Agostu no Preparasaun vizita Amu Papa Francisco mai Timor-Leste sai topiku principal iha inkontru semanal entre Prezidenti Republika, Jose Ramos Horta ho Primeiru-Ministru, Kay Rala Xanana Gusmão, Kinta (18/7/2024), iha Palasiu Prezidensial.

Kona ba Selebrasaun 30 Agostu, Primeiru Ministru Xanana informa katak Sekretariu Jeral ONU, Antonio Guterres no eis Xefi Misaun UNAMET, Ian Martin sei partisipa iha selebrasaun loron istoriku ba povu Timor-Leste ne’e.

Alende assuntu rua refere, xefi estadu ho xefi governu ne’e mos koalia kona ba vizita estadu ne’ebe prezidenti republika foin fila hosi Mozambique ho Angola, nomos vizita estadu tuir mai ba iha Xina no Vietnam hodi hametin relasaun bilateral ho nasaun rua refere.