Iha Ermera, Rogerio Lobato Adia Nia Kampana

GLENO, www.news-viptv.com – Kandidatu Prezidenti Republika, Rogerio Tiago Lobato adia nia kampana iha loron dahuluk ne’ebe lolos sei realiza Kuarta (2/3/2022), muda fali ba Sexta (4/3/2022).

Ba VIP TV, Segundu Komandante PNTL Munisipiu Ermera, Assistenti Superintendenti Eduardo Campos informa tuir ajenda no orariu ne’ebe hasai hosi Komisaun Eleisoens Nasional iha kandidatu prezidenti republika nain 4 maka Rogerio Lobato, Anacleto Ferreira, Milena Pires no Antero Bendito da Silva.

Iha parte seluk, ho numeru membru polisia ne’ebe iha Komando Munisipiu Ermera, nia esplika katak pronto asegura seguransa iha Munisipiu Ermera durante tempu kampana.

Reporter: Marcos dos Santos  I  Cameraman: Mario Afili