banner 1000x250

HWPL-UNPAZ no Arte Moris Sei Realiza Pintura Mural iha Dili

  • Share
Loron manas la hamenus vontade juventude voluntariu sira iha atividade pinta moru Kakaulidun ba Media ba Pas ne'ebe organiza husi HWPL no VIP TV. Photo: VIPhoto/Evangelisto Santos Meilana
banner 728x90

DILI, www.news-viptv.com – Susesu realiza Mural Painting ba dame nian iha Xanana Sport Center no Kakaulidun, Heavenly Culture, World, Peace, Restorstion of Light (HWPL) sei realiza tan atividade Mural Painting ba datoluk.

Ba projetu datoluk ne’e, HWPL kontinua servisu hamutuk ho grupu pintor Arte Moris no parseiru foun maka Universidade da Paz (UNPAZ).

banner 1000x250

Serimonia ba realizasaun Mural Painting ba Dame datoluk ne’e halo iha Kampus UNPAZ no hetan prezensa husi Arte Moris no sponsor balun ne’ebe durante ne’e apoia tinta ba projetu refere, Tersa (3/06/2025).

Parte HWPL nian reprezneta husi ⁠⁠Joseph Hwang nudar Managing Director, HWPL Global Branch 04 no
⁠Brant Lee nudar General Director, Department of Peace Education, HWPL Global Branch 04.

Dr. Fernando Dias Gusmão, Dekano Fakuldade Siénsia Sosiais e Humana UNPAZ hateten, parte universidade kontenti bele hamutuk ho organizasaun HWPL  hodi  promove paz iha mundu.

“Sira mai iha Universidade da Paz, hamutuk ho ami no Arte moris hodi hala’o atividade ida, hodi pinta moru sira ne’ebé mak iha áreadores Universidade da Paz ho tema, Paz nian,” dehan Dr. Fernandos Gusmão.

Tuir dekanu ne’e hatete, Timor-Leste nudar nasuan post konflitu ho sofrimentubo’ot ba nia povu, persiza kontribui hodi harii pas iha rai laran no iha mundu rai-klaran.

Parte UNPAZ mos partisipa ona konferensia paz mundiál nian ne’ebe HWPL realiza iha Korea do Súl.

“Ita tenki introdus kestaun pas nian, nomos hakribi Violensia ne’ebé mak sempre lori vitima ba ita nia ema sira. Enkuantu buat ida pas ne’e, buat ne’ebé ke di’ak tebes hodi ita moris hakmatek, harmonia, i bele kontenti iha ita nia rai rasik,” nia hateten.

Maski projetu ne’e halao iha areadores UNPAZ nian, parte universidade informa atividade ne’e laos deit ba estudante sira, maibe loke mos odamatan ba juventude sira ne’ebe hakarak partisipa ativu hodi promove pas.

Iha fatin hanesan Prezidente Asosiasaun Arte Moris, Iliwatu Danibere hateten, atividades ne’e la’ós Arte Moris nian de’it, maibé sempre koko atu kolabora ho pintor sira husi grupu seluk.

“Programa ida ne’e ami senti dia’k bele hapar ho ami nia misaun, i ami kontenti tamba HWPL ne’e foin 2023, maibé ami halo programa pinta paredi kona ba dame nian ne’e durante krizi 2006,” dehan Illiwatu.

Antes ne’e, HWPL mos kolabora ho VIP TV hodi realiza projetu hanesan ho topiku Media ba Dame.

VIP TV nuudar mos parseiru HWPL nian iha media hodi koopera mos ba publikasaun notisias kona ba dame no atividade HWPL nian iha rai liur.

  • Share

Leave a Reply

Your email address will not be published. Required fields are marked *

error: Content is protected !!