Horta no Lu-Olo Hetan Votos Barak iha Anunsia Rezultadu Provizoriu hosi CNE

DILI, www.news-viptv.com – Komisaun Nasional Eleisoens (CNE) publika ona rezultadu provizoriu Eleisaun Prezidensial 19 Marsu 2022 hafoin remata apuramentu nasional durante loron tolu.

Anunsia rezultadu Provizoriu ne’e anunsia hosi Sekretaria CNE, Komisaria Odete Maria Belo.

Iha apuramentu ne’e, hosi total 664.106 eleitores ne’ebe partisipa, numeru votos validu maka 651.859. Hosi numeru ne’e kandidatu ne’ebe hetan votos barak liu maka Jose Ramos Horta ho votos 303.477 (46.6%) no Francisco Guterres Lu-Olo ho votos 144.282 (22.1%) no kandidata Maria Angela Freitas da Silva maka hetan votos kiik liu ho votos 711 (0.1%).

Hafoin publika rezultadu provizoriu, Prezidenti CNE, Jose Belo kontinua fo tempu durante 24 oras ba kandidatu sira ne’ebe hakarak reklama rezultadu refere.

Hare ba rezultadu ne’e, tuir lei wainhira kandidatu ida la hetan votos to’o 50%+1, kandidatu rua ne’ebe hetan votos barak liu maka sei kompete hikas iha volta daruak ne’ebe tur kalendariu sei realiza iha 19 Abril 2022.

Kandidatu rua ne’ebe hetan votos barak liu maka Jose Ramos Horta no Francisco Guterres Lu-Olo.

Reporter: Gantry Meilana I Cameraman: Justinho Mendonca VIP TV.