Hasoru XEMJ F-FDTL, EUA Hametin Koperasaun iha Area Defeza

DILI, www.news-viptv.com – Asistente Adjunta Ministru Defeza Estadu Unidas Amerikanu (EUA), Lindsey W. Ford hasoru Xefe Estadu Maior Jeneral (XEMJ) F-FDTL, Tenente Jeneral Lere Anan Timur hodi rona konaba desenvolvimentu forsa defeza nasaun ne’e nian no hametin liu tan kooperasaun.

Liu hosi komunikadu ne’ebe Embaxaida EUA publika hosi nia Pajina Official Facebook, Kinta (11/11/2021) inkontru ne’e mos mensiona ezersisiu militar dala tolu ho F-FDTL ne’ebe EUA halao ona no haruka ona membru F-FDTL sira ba Estadus Unidus hodi tuir formasaun lian Ingles no formasaun professional militar nian.

Iha pajina hanesan, komunika inkontru entre Asistente Adjunta Ministru Defeza EUA, Lindsey W. Ford haksolok hasoru Ministru Defeza Filomeno da Paixao de Jesus hodi koalia konaba kooperasaun defeza.

Enkotru ida ne’e halao bazeia ba progressu parseria seguransa ne’ebé buras ba bebeik no ida ne’ebé notável liu mak kompromisu Estadus Unidus nian ho fundu millaun $10 ba reabilitasaun konjunta ho governu Timor-Leste ba aeroportu Baucau.