Governu Hasai Okupante Rai Estadu nain 40 iha Bidau Santa Ana

DILI, www.news-viptv.com Governu kontinua la fo fatin no tempu ba komunidade sira okupa rai estadu iha Kapital Dili, iklui uma ba kaben veteranu Rodak iha Bidau Santa-Ana, Postu Adminitrativu Nain Feto, Munisipiu Dili.

Maski ho kondisaun udan, Sekretariu Estadu assuntu Toponimia no Organizasaun Urbanu, Germano Dias no Prezidenti Autoridade Munisipiu Dili, Gregorio Saldanha hamutuk ho ekipa konjunta, Kinta dadersan (18/4/2024), kontinua hasai no halo evikasaun ba komunidade sira hamutuk uma 40.

Joaquina Paicheco, kaben nain hosi saudosu Rodak simu ho laran triste no husik ekipa konjunta hasai sasan hosi nia uma laran ne’ebe durante ne’e nia hela hamutuk ho Saudosu Rodak wainhira sei moris desde tinan rihun ida atus sia ualunulu 1980.

Lia hanesan mos hato’o hosi Domingos Pereira, nia hateten uma ne’ebe nia hela uluk nudar fatin abrigu no konsentrasaun entre jovem resistensia sira ba luta independensia kontra okupasaun Indonezia.

Sekretraiu Estadu assuntu Toponimia no Organizasaun Urbana, Germano Dias esplika, iha evikasaun ne’ebe governu halo, antes fo ona notifikasaun tuir tempu ne’ebe determinadu, wainhira liu, governu kontinua hodi halo evikasaun, maski uma nain lakohi muda sai hosi uma ne’ebe okupa rai estadu.