Governu Gastu US$ 477,000 Hodi Hari’i Fatin VIP ba 20 Maiu

DILI, www.news-viptv.com – Atu prepara fatin diak ba ema importante sira ga very important person (VIP) ne’ebe sei partisipa ba seremonia posse prezidenti republika foun, governu aloka ona osan US$ 477,000 hodi gastu ba fatin ba ema VIP sira iha fatin seremonia .  

Kompanha Betuhei ne’ebe manan ba fornesementu fatin refere, dadauk ne’e atinji ona servisu 75 %, desde hahu servisu iha 1 Abril 2022.

Aproveita seremonia posse ba prezidenti republika foun, Governu rasik prepara ona osan miliaun US$ 1.6 hodi komemora tinan 20 loron restaurasaun independensia Timor-Leste.

Ba Ramos Horta rasik, ne’e nudar kargu daruak ba nia hafoin ikus asumi mandate nudar xefi estadu iha 2007-2012.

Desde 2002, Timor-Leste iha ona nia Prezidenti Republika nain 5 hahu hosi Kay Rala Xanana Gusmao iha periode 2002-2007, Ramos Horta (2007-2012), Taur Matan Ruak (2012-2017) no Francisco Guterres Lu-Olo (2017-2022).

Timor-Leste hetan nia independensia total, liu hosi dalan konsulta popular ne’ebe organiza hosi Nasoens Unidas liu hosi misaun UNAMET iha 30 Agostu 1999.

Reporter: Angelina Soares  I  Cameraman: Bendito Soares