Garante Vitoria Ramos Horta, Partido CNRT Halo Konsolidasaun iha Dili

DILI, www.news-viptv.com – Atu hametin vitoria Kandidatu Prezidenti Republika, Jose Ramos Horta iha Eleisaun Prezidensial 19 Marsu nudar kandidatu hosi Partidu CNRT, CNRT halo konsolidasaun partidu iha Munisipiu Dili.

Konsolidasaun ne’ebe CNRT halo ne’e lidera diretamente hosi Sekretariu Jeral Partidu CNRT, Francisco Kalbuadi Lay ho Koordenador Munisipiu Dili, Luis Caldeira ho objektivu atu prepara diak liu tan servisu partidu hahu hosi atividade kampana no prepara fiskais sira nudar soldadu ikus sentru votasaun nian.

Iha konsolidasaun ne’e, Francisco Kalbuadi, husu ba sira ne’ebe sai fiskais atu servisu kuidadu no seriu hodi labele mosu manipulasaun durante votasaun no kontazem de votos.

Entertantu, Koordenador Partidu CNRT, Munisipiu Dili, Luis Caldeira hateten, tuir orientasaun Xanana Gusmao nufdar prezidneti partidu CNRT, sira estrutura munisipiu Dili pronto lori Ramos Horta manan primeira ronde.

Reporter: Angelina Soares  I  Cameraman: Marcia da Cruz