Garante Horta Manan, Xanana Tun Kampana ba Ramos Horta

LOSPALOS, www.news-viptv.com – Prezidenti Partidu Congressu Nacional de Recontruçao de Timor (CNRT), Kay Rala Xanana Gusmão tuun deretamente iha kampana prezidensial hamutuk ho kandidatu prezidenti republika, Jose Ramos Horta.

Konsentra iha kampu eis 745 Lospalos, Xanana afirma Ramos Horta uniku kandidatu prezidenti republika ne’ebe bele hatur hikas Konstituisaun ne’ebe rahun hosi ukun nain sira ne’ebe la respeitu ona ordem estadu de deretu demokratiku.

Tamba ne’e, objetivu Partidu CNRT kandidata Ramos Horta ba prezidenti republika, figura ne’e maka bele dissolve parlamentu nasional ne’ebe lao ses ona hosi konstituisaun RDTL.

Entertantu kandidatu Ramos Horta hateten wainhira eleitu ba prezidenti republika nia sei halo servisu diak liu ho parlamentu nasional no governu hodi hametin no haklean demokrasia, inklui hatun kiiak iha Timor-Leste.

Hosi Lospalos, Justinho Mendonca VIP TV