FFTL Hatama Karta Ba MS Husu Autoriza Treinamentu Selesaun Nasional Lao Nafatin

DILI, news-viptv.com – Federasaun Futebol Timor-Leste (FFTL) hatama karta ba Ministeriu Saude (MS) atu husu autorizasaun ba governu hodi autoriza treinamentu ba selesaun nasional ne’ebe prepara an hela ba jogu Kualifikasaun AFC Cup U-23 iha Singapura ne’ebe sei realiza Outubru tinan ne’e.

“Pedidu ne’e ami hatama ona ba Gabinete Ministra Saude ho objetivu atu husu ba govenru fo autoriza ba selesaun nasional atu kontinua treinu,” dehan hosi Frederico Martins ba jornalista sira iha konferensia imprensa, Kinta (26/8/2021), iha Sede FFTL House, Dili.

Nia esklaree, pedidu ne’e la hetan atorizasaun, FFTL iha planu seluk maka oinsa konsentra treinamentu ba selesaun nasional, liliu ba sub-23 atu treina iha Maliana, tamba iha estadiu ne’ebe diak hanesan Dili.

Iha jogu kualifikasaun AFC U-23, Timor-Leste hamutuk iha Grupu H ho uma nain Singapura, Korea Sul no Filipina.