EUA Apoia Kareta Movel ICU ba Governu Timor-Leste

DILI,  WWW.NEWS-VIPTV.COM –  Estadu Unidos Amerikanu (EUA) liu hosi fundus USAID fo tan apoia makina unidade kuidadu intensivu movel ida ba Governu Timor-Leste.

Makina movel ICU  ne’e entrega dereta hosi Enkaregadu Negósiu Embaixada Estadus Unidos Amerika, Zema Semunegu ba Ministériu Saúde hodi apoia asistensia saúde ba povu Timor-Leste.

Prezidenti Republika, Jose Ramos Horta lori estadu Timor-Leste nian naran agradese ba apoia kareta ICU  movel ne’ebe oferese hosi Estadu Unidos Amerikanu.

Ho ICU  movel ne’e, Ministra Saude Odete Belo esplika laos bele uza det ba pasiente sira ne’ebe persiza tratamentu urjensia, maibe kareta ne’e mos bele uza ba treinamentu nian.

ICU Movel ne’e parte ida husi US$ 20 Millaun  kontribuisaun Estadus Unidus nian hodi apoia Timor-Leste nia seguransa saúde. Miliaun US$ 20 ne’e inklui doasaun vasina COVID-19 Pfizer doze 200.000.

Xegada ICU movel ne’e reflete mós Governu Estadus Unidus nia kompromisu atual atu ajuda Timor-Leste hodi luta hasoru COVID 19 no moras sira seluk hodi salva Timoroan sira-nia vida.

Estadus Unidus Amérika nia Komando Indo-Pasífiku no USAID – US Agency for International Development serbisu hamutuk ho Governu Timor-Leste no ajénsia ONU sira mak konstrui no fornese ICU movel ne’e.

Iha seremonia entrea makina ICU Movel ne’e, PR Horta mos hare’e kareta bombeiros no kareta tanki mina ne’ebe Estadu Unidos Amerikanu mos sei oferese ba F-FDTL hodi uza ba servisu aeroportu Baucau nian.

Reporter: Pedro Soares I Cameraman: Leonito de Fatima