Eleisaun Lao Livre, Kredibel no Transparante, Misaun Observador CPLP Kongratula Povo Timor-Leste

DILI, www.news-viptv.com – Misaun Observador Eleitoral CPLP kongratula ba autoridade Timor-Leste ba realizasaun eleisaun ne’ebe kredivel, livre no transparante ne’ebe hare katak importante los ba partisipasaun politika sidadania, inklui hodi haforsa demokrasia.  

Ho susesu realizasaun eleisaun prezidensial ne’ebe lao demokratikamente, misaun observador sauda povu Timor-Leste ne’ebe hatudu ona exemplar diak hodi ezerse nia direitu votos.

Misaun observador ne’e mos hare katak STAE iha realizasaun eleisaun prezidensial nian tuir duni protokolu saude nian ba prevensaun COVID-19 nian.

Prezensa misaun observador eleitoral CPLP nian ne’e hodi respeita konvite Governu Timor-Leste ba realiazasaun eleisaun prezidensial hahu kedan iha volta dahuluk.

Misaun observador ne’e lidera hosi Embaixador Itinerante Republika Angola, José Guerreiro Alves Primo ho nia membru hamutuj 11.

Iha nia servisu, misaun observador ne’e konsege observa sentru votasaun 74 hosi ekipa ne’ebe fahe ba lima ne’ebe espalla iha Dili hamutuk ekipa 2, Baucau, Ermera no Manatuto kada munisipiu ekipa 1

Iha Liquiçá, misaun observasaun servisu hamutuk ho ekipa observador g7+, observador assosiadu CPLP nian ne’ebe observa sentru votasaun 10.

Reporter: Fidelio dos Santos  I  Cameraman: Leonito de Fatima