Dom Virgilio: Via Sakra Lori Sarani ba Dalan Los

DILI, www.news-viptv.com – Sexta feira santa nudar loron importante id aba vida sarani Katolika iha mundu tomak ne’ebe sempre selebra loron ne’e ho via sakra hodi hanoin hikas Nai Jesus nia terus antes ema hedi nia iha kruz.

Tamba ne’e, Amu Bispu Diocese Dili, Dom Virgilio do Carmo da Silva hateten, ho via sakra ne’ebe sarani Katolika sira halo iha sexta feira santa bolu nafatin sarani sira atu hamutuk hodi hanoin hikas Jesus nia terus no mate.

Liu hosi via sakra ne’e mos bele loke hikas sarani sira nia fuan ne’ebe durante ne’e barak maka ses an ona hosi Maromak no la lao ona tuir Jesus nia ain fatin.

Maria Imaculada Conceicao, nudar sarani katolika sente kontenti bele partisipa hikas via sakra iha Dili hafoin tinan 2 nia laran labele realiza tamba pandemia covid-19.

Reporter: Fidelio dos Santos I Cameraman: Leonito de Fatima