DIT FC Joga Empata 3-3 Kontra Emmanuel FC, Porto Taibessi 1-1 Assalam no AS. Marca 0-0 Academica

DILI, www.news-viptv.com – Festa golu akontese iha jogu entre DIT FC kontra Emannuel FC, ne’ebe rezulta golu nen (6) iha jogu ne’ebe realiza Segunda (26/5/2025), iha Estadiu Munisipal Manatuto.

Jogador DIT FC, Jose Santos konsege halo golu rua no sai heroi ba nia ekipa hafoin nia golu iha minutu 79, lori nia klubu impata 3-3. Golu ida sleuk ne’ebe nia halo maka akontese iha minutu 37.

Entertantu golu ida seluk DIT FC nian rezulta husi golu oho-an husi jogador Emmanuel FC husi ain Miguel Silva iha minutu 6.

Emmanuel rasik nia golu hatama husi Juvito Moniz iha minutu 14, Lazaro Ximenes iha minutu 45+1 (lee minutu hat nolu resin lima ples ida). No golu datoluk husi Mario Quintao iha minutu 49.

Iha jogu seluk ne’ebe halao iha Estadiu Café Gleno, Munisipiu Ermera, Porto Taibessi joga empata 1-1 wainhira hasoru nia adversariu Assalam.

Golu Porto Taibessi nian hatama husi Jardiel Piedade iha minutu 50 no Assalam nian hatama husi Riki Permana iha minutu 67.

Iha loron hanesan, Segunda (26/5/2025), iha Estadiu Munisipal Manatuto, AS. Marca versus Academica ho rezultadu empata.