COVID-19: Kazu Foun 6, Ativu 15

DILI, www.news-viptv.com – Timor-Leste maski la ho numeru bo’ot kontinua rejista kazu foun COVID-19 ho numeru 6 iha relatoriu Ministeriu Saude nian loron 7 Abril 2022.

Iha komunikadu ne’e, Kordenadora  Jeral Surtu COVID-19, Dr. Odete da Silva Viegas informa, ho aumenta numeru kazu foun ne’e, total kazu komulativu Timor-Leste hamutuk 22.842 no total obitu iha Timor Leste hamutuk 130.

Tamba ne’e hodi prevene no kontra COVID-19, Ministeriu Saude kontinua nia programa vasinasaun ne’ebe numeru porsentazem vasina kompletu [doze 2] iha Timor-Leste tomak atinji ona 73,2%.

Iha komunikadu ne’e, Kordenadora  Jeral Surtu COVID-19, Dr. Odete da Silva Viegas hato’o mos katak ema ne’ebe tama husi estranjeiru ho vasina dala rua [2] ou kompleta hein depois de 48 oras teste PCR negative mak foin lao livre, no ba sira neebe vasina dala 1ou la kompleta no mos ba sira neebe sedauk vasina sei halo karantina to  14 dias hafoin teste PCR negativu mak foin sai no la’o livre.

“Hakarak hato’o mos katak ema neebe mai husi stranjeiru tantu via Aereo,Terestre no maritima sei halo teste imediata iha pontu entrada hafoin 24h ba 48h ho rezultadu teste PCR negativu maka bele la’o livre,” dehan Dr. Odete Viegas.

Koordenadora ne’e esklarese tan, ba sira ne’ebe vasina dala ida 1 ou la kompleta nomos ba sira neebe sedauk simu vasina sei halo kuarentena obrigatoriumente to loron 14 hafoin teste  pcr negative  no sei simu  sertifikadu  livre karentena  maka hafoin  sai ona  la,oao livre

“Wainhra  sente  moras  isin – manas , mear, karok moras  ka sintomas seluk  tan ; bele ba kunsulta  iha sentro saúde  ka ospital  nebe besik, atu bele halao  swab  no ba  sira nebee iha dili bele mai direita  iha CCD  husi loron  segundu to,o to domigu dader , 8,00-12-00 no lokraik hahu  14 -00 17;00,” informa Dr. Odete Viegas.