CDTL Realiza Seminariu Nasional Desportu Timor-Leste ba Prestasaun

DILI, www.news-viptv.com – Konfederasaun Desportu Timor-Leste (CDTL) iha sexta (19/7/2024), iha salaun CNE, Dili, realiza seminariu nasional ho topiku Reforsa organizasaun desportiva hodi lori Timor-Leste compete, Timor-Leste ba prestasaun 2024.  

Orador principal iha seminariu ne’e maka Prezidenti Komisaun G Parlamentu Nasional, Armando Lopes ne’ebe koalia kona ba investimentu ba desportu no Sekretariu Jeral KONI Bali, I Nyoman Yamadhiputra, M.Si ne’ebe koalia kona ba siensia desportu iha prestasaun desportu.

Prezidenti Komisaun G iha PN Armando Lopes nu’udar hateten, Parlamentu sei aumenta orsamentu 2025 ba Ministeriu Juventude, Desportu, Arte no Kultura wainhira iha ezekusaun OJE 2024 ezekuta ho diak.

Antes seminariu nasional ne’e, asina mos akordu kooperasaun entre CDTL ho KONI Bali ne’ebe asina husi Segundu Vise Prezidenti CDTL, Zeferino Viegas Tilman ho Sekretariu Jeral KONI Bali, I Nyoman Yamadhiputra.

Iha Seminariu Nasional ne’e, Segundu Vise Prezidenti CDTL, Zeferino Viegas Tilman mos aprezenta rezultadu sondazen kona ba desenvolvimentu area desportu iha Timor-Leste no monitorizasaun ne’ebe CDTL halo ba federasaun desportiva sira ne’ebe halo kompetisaun nasional.

Seminariu nasional ne’e hetan partisipasaun husi jerente federasaun desportiva sira ne’ebe sai membru ba CDTL no estudante UNTL hosi departementu edukasaun fiziku desportu nian.