DILI, www.news-viptv.com – Familia Saudozu Paulo Fernandes ho kodigu Rai Lakan agradese ba Estadu Timor-Leste ba funeral saudozu nian iha Jardim da Heroi Metinaro hodi rekonese mos nu´udar heroi ba libertasaun nasaun ne´e iha luta ba ukun rasik an.

Saudozu Rai Lakan hakotu iis iha tinan 77 no husik nia kaben Jacinta da Gloria ho nia oan nain 7 ne´ebe nain tolu mos husik uluk ona mundu, inklui nia oan mane Zeferino Napoleão Fernandes ne´ebe estadu konsidera nudar luta nain nu´udar mate restu masakre 12 Novembru.

Francisco Maukura Fernandes nu´udar oan mane saudozu nian hateten, ho ran luta nian ne´ebe mai hosi nia aman, nia ho nia alin saudozu Leao Fernandes kontinua luta nia aman nian hodi involve iha grupu klandestina joventude nian hamutuk ho luta nain sira lian ida deit katak mate ka moris ukun rasik an.

Moris iha Parami-Atsabe iha loron 10 Jullu, Saudozu Rai Lakan hahu nia vida militar nu´udar agente militar iha Keze 13 Laklubar, Manatuto. Hanesan ho espesialista armas pazadas hanesan morteru no kainhaun ou forca altelaria, Saudozu mos iha talentu hanesan artirador. Ho servico obrigatorio militar nee, diak tebes ba forma saudozu nia karakter no mentalidade disciplina no badinas.

Wainhira tama ona ba funu iha tinan 1974 no 1975 hanesan joventude iha tempu nebaa nia mos deside atu kontribui no partisipa hodi luta ba libertasaun da patria hodi decide adere FRETELIN hanesan milisianu Fretelin, wainhira Timor oan hahu iha konfuzaun no nia participa movimento kontra Golpe hodi vice Presidenti Nicolau Lobato mak entrga rasik armas pezada ba nia hodi saudozu mos fo insaiu ka treinamento uza armas pezada hanesan morteiru no kainhaun ba juventude sira seluk nebee foin adere ba FALINTIL.

Rogeiro Lobato mak sai sira nia komandante no foti saudozu Paulo Fernandes hanesan komandante seksaun ba armas pezada hodi nunee sira hahu halo operasaun husi Dili ba to iha area fronteira Balibo, Maliana.

Wainhira Indonesia hahu iha Timor-Leste area fronteira iha fulan Outubro 1975 no sadozu ho nia kamarada sira tenta fo resposta hodi defende teritorio nacional no ikus, Saudozu Paulo Fernandesho nia seksaun armas pezada halo trabalha ho Ro ahi Marineiro Indonesia nian iha area Mandoki, Atabae ho batalha nebe sira halo durante oras sia nia laran hodi defende Timor-Leste husi tentativa invasaun.

Wainhira hela iha Dili, Saudozu buka kedas hasoru Komisariu politico Afonsu Redentor hodi husu uma mamuk nebe iha atu nia bele lori famila sira ba hela iha palpaso, suku Motael no ohin loron famila sira kontinua hela iha neba.

Iha 7 Dezembro 1975 Saudozu Paulo fernandes no famila sira hotu, hetan kaputasaun husi Militar Indonesia no depois kontinua hetan fila fali kapturasaun husi inimigu ba inkretu iha santai ho no depois simu prezu prizaun iha komarka Balide, Dili durante fulan balu nia laran.

Ba saudozu nia kontribuisuan ba luta kontra kolonialismu, iha 15 Dezembru 2012, saudozu hetan kondekorasaun husi Estado RDTL ho orden Nicolau Lobatu.

Adeus Saudozu Rai Lakan, ita nia luta sei la haluha hosi povu Timor-Leste.