Aumenta Relasaun Komersial no Teknika, Bangladesh Importante ba Timor-Leste

DILI, www.news-viptv.com – Prezidente Repúblika (PR), Jose Ramos-Horta konsidera Bangladesh importante ba Timor-Leste hodi aumenta tan relasaun komersial no teknika.

Xefi estadu hato’o lia hirak ne’e ba jornalista sira hafoin fila hikas husi nia vizita iha Bangladesh, Kuarta (18/12/2024), iha Aeroporto Internasional Presidente Nicolau Lobato, Dili.

Ho kooperasaun ne’ebe asina ona, xefi estadu husu ba governu atu bele mos aprende sistema elimina pobreza ne’ebe Bangladesh iha nune’e bele aplika iha Timor-Leste.

Iha vizita estadu ne’e, Timor-Leste hanoin ona loke konsuladu honorariu iha Dhaka hodi bele hametin relasaun bilateral entre nasaun rua inklui oinsa bele tau matan ba sidadaun Timoroan ne’ebe halao estudu hela iha Bangladesh.