Atende Atividade G7+, Xanana iha ona Lisboa

LISBOA, www.news-viptv.com – Xefe negosiator Prinsipal ba Dilimitasaun Fronteira Maritimas, Xanana Gusmão iha ona Lisboa, Portugal hodi atende atividade balun G7+ nian hahu 7 to’o 15 fevereiru 2022.

Tuir komunikadu ne’ebe redasaun asesu, alende atende atividade G7+ nian, Xanana Gusmão sei halao reuniaun intensiva sobre estratégia no planeamento ba negosiasoen fronteiras terrestres no marítimas, hahu hosi 2 to’o 5 Fevereiru 2022.

“Xanana mos sei halo reuniaun ho advogados sira; Sir Michael Wood, Professor Vaughan Lowe, Eran Sthoeger, nomos especialista Dr Robin Cleverly nomos ho ekipa teknika sira seluk,” hakerek komunikadu ne’e.

Objetivo reunião ne’e mak hametin posição Timor-Leste nian no explora possíveis opsaun ba rezolusaun pasífikas hodi kontinua luta no salvaguarda soberania no interesse nasional RDTL nian.

Alende atividade refere, antigun Prezidenti Republiak Timor-Leste ne’e mos sei  halo tratamento ba saúde, molok fila hikas ba Timor-Leste.