ASDT Ukun, Sei iha Uma Lalehan no Mundu

LACLO, www.news-viptv.com – Partidu Assosiasaun Sosialita Demokratika de Timor (ASDT) sei garante uma iha Lalehan no mundu nian wainhira ukun iha Rai Timor-Leste.

Reprezentante Lia Nain hosi Lisan Uma Fili, Lorenso Soares, ASDT tenki implementa lei ASDT nian hodi respeita uma lisan no feto sira tenki hatais tuir kultura lisan nian.

Entertantu, Prezidenti Partidu Frenti Mudansa (P-FM), Ricardo Cardoso Nheu hateten nia partidu prontu hamutuk ho Partidu ASDT hodi lori rai ne’e ba oin.

“ASDT FRETILIN, ASDT FRETILIN Mudansa, e ASDT Frenti Mudansa sai amigo bo’ot, amizade bo’ot atu lori rai ne’e ba oin,” dehan Prezidenti Partidu Frenti Mudanca, Ricardo Nheu.

“Ami fiar katak iha tinan 2023 ami bele partisipa iha kualker prosesu eleisoens, partidu ASDT la iha interese katak so paridu ASDT mak bele ukun. Maibe partidu ASDT sempre kolabora ho partidu seluk hot-hotu,” dehan Grigorio Dos Santos.

Hosi Laclo, Munisipiu Manatuto, Reporter: Laura Marques I Cameraman: Leonito de Fatima