Arsenio Bano sei ba Portugal Haree Ró Haksolok

  • Share
Prezidenti RAEOA, Arsenio bano wainhira hasoru Primeiru Ministru Taur Matan Ruak hodi relata progressu servisu iha ZEEMS. Photo: Media GPM

DILI, www.news-viptv.com – Prezidente Autoridade Rejiaun Administrasaun Espesial Oé-Kusse Ambeno (RAEOA), Arsénio Paixão Bano iha semana oin sei desloca ba Portugal hodi hare´e Ró Haksolok ne´ebe Governu Timor-Leste liu hosi ZEEMS sosa.

“Ha’u mós hato’o ba Sua Eselénsia kona-ba progressu roo Haksolok no hato’o ba Sua Eselénsia katak semana oin ha’u sei ba Portugál atu haree informasaun sira ami simu loos hotu fila husi Portugal ami sei halo relatóriu kompletu ba Sua Eselénsia Primeiru-Ministru,” informa Arsenio Bano ba jornalista sira hafoin hasoru malu ho Primeiru Ministru Taur Matan Ruak iha residensia PM, Farol, Dili, Segunda (12/9/2022).

banner 336x280

Arsenio Bano esklarese Ró Haksolok sei mai Timor-Leste tambá ne´e património estadu nian.

Ro Haksolok governu sosa ho valor miliaun euro 13.7 hosi kompana Eagle Atlantic Ship Building no lansa ona ba tasi laran iha loron 26 Maiu 2017 hosi eis Prezidenti ZEEMS, Mari Alkatiri iha Sidade Figuera da Foz, Portugal no wainhira husik Ro Haksolok ba tasi, ro ne´e momento ne´eba informa sei to´o iha Outubru 2017.

Iha governasaun PM Taur Matan Ruak, governu tenki hasai tan osan addisional miliaun US$ 14 ba kontrusaun Ró Haksolok.

Iha lansamentu Ro Haksolok, Dom Carlos Filipe Ximenes Belo no Madre Guelerminha sai aman no inan sarani ba ro haksolok no hola prezensa mos eis Ministru Transporte no Komunikasaun, Inacio Moreira

Ro ne´e ho kapasidade tula pasanjeiru hamutuk ema nain 377 no kareta hamutuk 22 halo ho nia naruk hitu nolu pontu tolu nolu metru no luan sanulu resin rua pontu nen nolu metru

Alende informa progressu Ró Haksolo, Arsenio Bano mos informa kona-ba ezekusaun orsamentu no programa ne’ebé mak oras ne’e dadaun realiza iha Zona Ekonomia Espesial Sosial Merkadu no planu prioridade atu realiza ba oin.

“Ohin hau hato´o ba primeiru ministru kona-ba ezekusaun orsamentu RAEOA ninian ami to´o ohin loron 33,8% la konta ho estrada ne´ebe mak ami lansa semana tolu liu ba ne´e prosesu pagamentu lao hela ponte Noefefan ba Citrana ne´eprimeiru, Tono ba Oesilo agora prosesu aprovisionamentu to´o ona final. Sei estrada rua ne´e hau informa ba primeiru ministru sei lao ona ezekusaun orsamentu sae makas tamba ne´e estrada nasional,” dehan Arsenio Bano.

Kona-ba estrada ba Citrana ne´ebe lansa ona, servisu mos hahu dadauk no prosesu aprovisionamentu kona ba Tono ba Oesilo mos atu remata ona iha fulan nee no sei halo lansamentu iha 11 Outubru 2022.

Prezidente RAEOA ne´e mos hateten dadauk ne´e ZEESM iha ona  pilotu feto ida ne´ebe haruka ona ba Kanada durante fulan  6.

“Agora mane ida mós prepara atu tuir tan fulan neen halo remata sira nia formasaun remata no tinan oin fila bele sai pilotu ba aviaun ZEESM, tanba aviaun ne’e mós halo osan, husi Janeiru mai to’o ohin loron halo osan 300 mil dolar nomós halo orsamentu ba aréa seluk nomós depozitu orsamentu RAEOA nian iha parte balun,” nia dehan.

Alende ne´e, sira mos asina akordu ida ho Timor Gap sei hari’i estasaun kombustiveis iha Oé-Kusse.

  • Share

Leave a Reply

Your email address will not be published. Required fields are marked *

error: Content is protected !!