APC Relata Ahi han uma 8 No Anin Sobu 5

Dili, www.news-viptv.com – Autroridade Protesaun Sivil (APC) relata katak ahi han uma 8 no anin sobu uma 5 ne’ebe maka akontese iha 17 to’o 23 Outubru 2023.

Iha konferensia impernsa ida nee porta voz APC Joao Sousa Filipi, informa katak Semana ida ne’e dadus frequensia bo’ot liu maka ahi han uma no anin sobu uma.

Akontesementu ne’e iha munisipiu haat maka hetan afetadu ba dezastre naturais ne’e,” dehan Xefi Seksaun Komunikasaun Gabinete Relasaun Externa no Komunikasaun APC, João Sousa Filipe ba jornalista sira iha konferensia imprensa, Tersa (14/11/2023) iha edifisiu APC, Kaikoli, Dili.

Hosi dadus ne’ebe Komando Nasional Operasaun Protesaun Sivil (CNOPC) registu hamutuk xefi familia (13) maka hetan estragos ne’e akontese iha munisipiu Ainaru ahi han uma rua (2), Bobonaru ahi han uma 1, Covalima ahi han uma 2, no Ermera ahi han uma 3, inklui anin sobu uma 5.

“Dadus ne’ebe maka ami simu iha akontesimentu iha munisipiu Ainaro iha Postu Maubessi suku Horai kiik, aldeia Tarbolu akontesimentu iha 2 Novembru 2023 ne’e ahi han  komunidade nia uma 2. Munisipio Bobonaro iha Suku Tapo Memo, aldeia Tunu Bibi iha 5 Novembru, ahi han uma 1. Iha munisipio Covalima iha postu administrativu Suai Vila, Suku Debos, Aldeia Asurai akontesimentu iha 28 Outubru 2023 akontesimentu ahi han komunidade  nia uma rua,” nia dehan.

Entertantu iha Munisipiu Ermera akonetse iha Postu Administrativu Ermera, Suku Talimoro, Aldeia Liberte, akontesimentu iha 2 Novembru 2023 anin estragus uma ida, iha Suku Poetete, Aldeia Taklela akontesimente iha 10 novembru de 2023 akontesimentu ahi han komunidade nia uma ida, iha loron hanesan mos iha Postu Administrativu Hatulia, Suku Fatubesi iha aldeia Lebumea rejista mos uma komunidade nian ida.

Iha Suku Coliati Leotelu, Aldeia Teuru iha akontesimentu iha 5 novembru 2023, akontesimentu anin estragos komunidade nia uma ida. Iha Postu Hatolia (B) iha Suku Lisapat, Aldeia Hatupea akontesimentu iha 2 Novembru 2023 akontese anin bo’ot hodi estragus komunidade nia uma ida, iha Suku Lisapat Aldeia Hatupea akontesimentu ne’e iha 10 Novembru 2023 akontese anin boot hodi estragus komunidade nia uma ida.

Iha Postu Railaco, iha suku Railaco Kraik, aldeia Fatu dose rejista mos uma komunidade ida ahi han akontese iha 2 novembru 2023. Munisipio Viqueque, Postu administrativu Viqueque Vila iha Suku Bahlarawain, Aldeia Welaku iha 13 novembru 2023 akontese ahi han komunidade nia uma ida.

“Iha mos ita nia korpu bombeirus durante semana ida halo fornesimentu relasiona ho bailoron naruk ne’ebe iha hotu sente katak lolos Novembru laran ne’e udan ona maibe ate agora seidauk udan ita nia korpu Bombeirus neebe ita deslokadu iha munisipio sanulu resin tolu inklui RAEOA mos oferese bee ba komunidade hodi konsumu lorloron,” dehan João.

APC mos husu ba komunidade atu labele sunu rai arbiru, tamba ho iklima bai loron ahi bele daet lalais.

“Ami avizu no alerta nafatin ba ita nia komunidade sira neebe sunu rai, rai ne’ebe manas hadaet ka daet fasil ka lalais ba komunidade sira nia uma dalabarak ita nia komunidade sira kestiona tamba saida maka ahi han uma mutuk hotu tiha ona mak ita nia ema bombeirus sira ba, maibe sira ba laos atu distansia ne’ebe do’ok,” nia dehan.