Aniversariu PNTL, Xefi Estadu Husu Hatudu Profesionalismu no Respeita Diretus Humanus

DILI, www.news-viptv.com – Prezidenti Republika Jose Ramos apela ba membru Polisia Nasional Timor-Leste (PNTL) sira hodi kontinua servisu ho profesionalismu no respeita diretu humanus.

Xefi estadu apela lia fuan ne’e iha komemorasaun loron aniversariu Polisia Nasional Timor-Leste (PNTL) ba dala 24, Kuarta (27/3/2024), iha Kuartel Unidade Espesial Polisia, Bairo Pite, Dili.

Hanesan Liberdade imprensa no demokrasia ne’ebe hetan numeru diak iha statistika mundial, xefi estadu mos hakarak PNTL hanesan instituisaun seguransa bele lori instituisaun ne’e okupa top 10 ba polisia mundial nian.

Ho tema Profesional no Rejiliente ba komemorasaun loron aniversariu PNTL nian, Komandante Jeral PNTL, Komisariu Henrique da Costa hateten katak tema refere maka sai susesu ba servisu PNTL hodi fo seguransa no stabilidade iha Timor-Leste.