Liga Timorense I Joga 0-0, AS. Ponta Leste Failla Hetan Vitoria Hasoru FC. Curação

GLENO, www.news-viptv.com – AS. Ponta Leste failla hetan vitoria wainhira hasoru FC.Coracao iha jogu Primeira Divisaun, Liga Futebol Timor-Leste, Domingu (25/5/2025), iha Estadiu Café Gleno, Munisipiu Ermera.

Tuun ho nia jogador estranjeiru husi Japaun no Ghana, iha jogu ne’e, maski nia adversariu hetan kartaun mean iha minutu 67, Forsa Lafaek Lorasae ne’ebe treina husi Eduardo Pereira tenki simu rezultadu impata 0-0, no fahe pontu hamutuk 1-1.

Jogu ne’e rasik AS. Ponta Leste konsege hetan oportunidade barak, inklui golu iha minute 21 maibe hetan anula husi arbitru Pedro Braga tamba offside.

Oportunidade osan mean mos, AS. Ponta Leste hetan tan iha Segunda parte wainhira arbitru Pedro Braga fo kartaun mean jogador FC. Coracao Lessy Atok iha minute 67.

Assistenti treinador FC. Coracao, Januario Gama senti kontenti ho rezultadu impata ne’ebe nia ekipa hetan tamba maski lakon jogador ida tamba kartaun mean, sira konsege halo balansu jogu no hetan pontu ida.

SB: Januario

Entertantu, assitenti treinador AS. Ponta Leste, Ameta hateten iha jogu dahuluk AS. Ponta Leste la konsege realiza nia mehi hodi hetan vitoria iha jogu dahuluk nian.

SB: Ameta

Iha loron no oras hanesan, DIT FC konsege jogu empata 3-3 kontra Emanuel FC iha jogu ne’ebe realiza iha Estadiu Futebol Manatuto.

Ba epoka dahuluk, sei falta jogu rua entre FC. Porto Taibessi kontra FC. Assalam ne’ebe sei hahu nia jogu Segunda aban iha Estadiu Gleno, no AS. Marca sei hasoru FC. Academica iha Estadiu Manatuto.