STAE ho Autoridade Munisipiu Realiza Misa Agradesementu ba Susesu ElPrez

AINARO, www.news-viptv.com – Susesu Eleisaun Prezidensial (ElPrez) lao diak no hakmatek iha Munisipiu Ainaro, autoridade munisipiu sira realiza misa agradesimentu hodi hasa’e agradese ba Aman Maromak.

Administrador Munisipiu Ainaro, Leovegildo Amaral Pereira kongratula ba komponente hotu hahu hosi STAE Ainaro no Komando PNTL munisipiu ba servisu tomak durate eleisaun prezidensial hahu 2 Marsu iha tempu kampana to’o 19 Abril iha eleisaun volta daruak.

Iha fatin hanesan, Diretor STAE Ainaro, Fransisco Bianco hateten, susesu realizasaun eleisaun prezidensial iha Ainaro nian ne’e laos tamba STAE mesak nian deit, maibe tamba servisu hamjutuk mos ho parte PNTL nian ba iha seguransa nian.

Segundo Komandate PNTL Ainaro, Mario Victor esplika, maski hasoru dezafiu oi-oin iha terenu maibe, sira nia parte konsege asegura seguransa iha munisipiu ne’e.

Reprezenta Brigada STAE nian, Paulo Lay espera iha eleisaun tuir mai, sira bele involve nafatin iha prosesu realizasaun eleisaun saida deit.