Konsellu Imprensa Sosializa Revizaun Regulamentu Prémiu Jornalízmu

DILI, www.news-viptv.com – Relasiona ho mudansa sira iha prémiu jornalízmu nian ne’ebé hatur iha regulamentu nú. 2/2021 de 17 de Março kona-ba atribuisaun prémiu jornalízmu nian, Konsellu Imprensa halo sosializasaun mudansa refere ba media nain no jornalista sira, Kuarta (22/04/2026), iha Edifisiu KI, Quintal Bo’ot, Dili.

Membru Konsellu Imprensa, Joaquim de Fatima hateten, Mudansa prinsipál liu husi regulamentu nú. 2/2021 de 17 de Março kona-ba atribuisaun prémiu jornalízmu husi Konsellu Imprensa maka iha tinan ida ne’e jornalista sira nia produtu sei halo avalliasaun direta husi ekipa Konsellu Imprensa liuhusi monitorizasaun diária.

“Jornalista sira sei la halo ona aplikasaun ka submisaun dokumentus aplikasaun ba Konsellu Imprensa hanesan tinan sira ba kotuk,” dehan Joaquim ba jornalista sira.

Ba tinan ne’e, nia esplika, Konsellu Imprensa muda politiku ida katak laos ona media ou jornlaista maka hatama, maibé Konsellu Imprensa rasik mak halo avaliasaun ou tun ba iha kada instituisaun media hodi hare’e kona ba produtu sira.

“Oinsa hare sira ne’ebe mak iha kualidade depois ami bele halo avaliasaun no ikus ita bele submete nia prosesu,” nia dehan.

Nia mos motiva jornalista sira hodi kontinua kontribui an ba Timor-Leste liu husi servisu fahe informasaun nian.