DILI, www.news-viptv.com – Autoridade Protesaun Sivil (APC) iha atualizasaun dadus dezastre ne´ebe akontese hosi loron 25 Abril too 2 Maiu 2023 relata uma komunidade hamutuk 15 maka hetan estragus.
Uma 15 Komunidade nian ne´eAPC rejista hosi munisipu 9 hanesan Aileu, Ainaro, Baucau, Bobonaro, Covalima, Ermera, Manufahi, RAEOA no Viqueque.
Ba vitima sira, Autoridade Protesaun Sivil fo apoiu ona sasan emerjensia tantu hahan no naun hahan nian.
Ho iklima ne´ebe sei udan, Autoridade Protesaun Sivil husu ba komunidade sira atu kuida an nafatin no hadook an hosi fatin risku tamba anin boot no udan no husu ba peskador no komunidade sira atu labele halo atividade peska no viazem iha tasi.