105 Rider Kompete iha Road Race-Supermoto FMC-TL

DILI, www.news-viptv.com – Hamutuk rider (pembalap) 105 kompete iha eventu Road Race – Supermoto ne’ebe organiza hosi Federasaun Motor Ciclimo Timor-Leste (FMC-TL) iha Sirkuit Tasi Tolu, Dili.

Road Race ne’ebe realiza hodi komemora Loron aniversariu FALINTIL ba dala 48 ne’e loke hosi Ministru Juventude, Desportu, Arte no Kultura, Nelyo Isaac Sarmento no Xefi Estado Maior FALINTIL, Tenente Jeneral Falur Rate Laek, Sexta (18/8/2023).

Vise Prezidenti FMC-TL, Helder Vieira esplika road race ne’e mos hetan partisipasaun hosi racer Indonesia.

“Iha eventu road race ne’e partisipante sira husi nasaun vizinho Indonesia ekipa hitu no total ema nain-30. Ekipa Timor-Leste hamutuk 25,” dehan Helder Vieira

Hamutuk iha klase 21 ne’ebe loke iha eventu ne’e hanesan Klase Matic fahe ba klase 3: Matic 115 CC Standar (Pemula), Matic 130 CC Standar MP7 (fahe tan klase 3), no Matic 155 CC Tune Up. Klase Bebek; Bebek 2 Tak Campuran 115-125 CC, Bebek FFA 2 Tak-4 Tak (2T s/d 125 CC, 4T s/d 155 CC), Klase Sport; King 115-150 CC, Ninja 150-200 CC, Campuran 2 Tak King & Ninja 150-200 CC, no Sport FFA (Bebek Sports 150-200 CC).

Ba Klase SuperMoto; Trail 150 Standar, Trail 150-200 CC Tune Up, SE 85 CC, no SE 250 CC. Ba klase Open Internasional, Matic 130 CC standar MP7, Matic 155 CC Tune Up, Campuran King Ninja 150-200 CC no Campuran Bebek 2T.

Iha eventu ne’e mos loke klase ba Veteranos & Sponsor maka klase Matic 130 CC standar MP7.

Total orsamentu ne’e FMC-TL hasai ba eventu ne’e hamutuk US$ 40.000 ne’ebe hetan apoiu hosi Ministerio Juventude, Desportu, Arte no Kultura, Pertamina Internasional SA, Haksolok Group, Bank Mandiri Timor Leste, Yamaha ESM, Brother Motor, Maxxis Tires, JDL 89, MAX ADS, Novo Turismo, Jenic, Zefra, Chrame Unipesoal Lda, Grafika Taliti, SM, HV Store no HF.