Xefi Estadu Inkontru ho Jornalista Destakadu ba Palasiu Prezidensial

DILI, www.news-viptv.com – Prezidente Republika Jose Ramos-Horta hala’o enkontru ho Jornalista destakadu ba Palásiu Prezidensiál, hodi esplika Timor-Leste nian prioridade no pozisaun prinsipál sira ba jornalista nasionál sira ne’e.

Assuntu ne’ebe koalia maka kona ba prosesu adezaun Timor-Leste nian atu tama ba ASEAN iha tinan 2025 no mos asuntu internasionál sira ne’ebe Timor-Leste tau pozisaun ne’ebé metin iha ONU hafoin konsulta ho governu, inklui iha disputa Tasi Xina Súl ne’ebé nia hateten tenke aliña ho Lei tasi ONU nian. Nia identifika krize Myanmar nu’udar prioridade boot liu, hodi apoia planu konsensu ASEAN nian.

Asuntu importante seluk maka kona-ba aumentu interese investimentu estranjeiru iha Timor-Leste, inklui planta LNG ne’ebé planeia husi kompañia boot Japaun nian no nasaun barak liután mak sei loke embaixada iha Dili.

Kazu konfrontu entre Timoroan iha Portugal mos xefi estadu koalia iha enkontru ne’e, ne’ebe kazu ne’e labele tolera tamba halo Timor-Leste nia naran foer.