Xefi Estadu Apoia Programa Edukasaun UNIKA Atma Jaya Jakarta iha Timor-Leste

DILI, www.news-viptv.com – Prezidente Repúblika, Jose Ramos-Horta apoia programa edukasaun Universidade Katolika (UNIKA) Atma Jaya Jakarta ne’ebe halao iha Timor-Leste.

Ba Reitor UNIKA Atma Jaya Jakarta, Prof. Dr. dr. Yuda Turana, Sp.S (K) no Embaixador Indonesia ba Timor-Leste, Okto Dorinus Manik iha inkontru ne’ebe halo iha Palasiu Prezidensial, Segunda (18/11/2024),  ho programa edukasaun universidade ne’e, xefi estadu fo nia apresiasaun ba programa kooperasaun universidade nian ho Timor-Leste no enkoraja dezenvolvimentu inisiativa barak liután iha futuru, reforsa kompromisu atu hametin relasaun edukasionál entre nasaun rua ne’e.

“Agradese ba oportunidade PR Ramos-Horta ne’ebe bele fo ona tempu hodi simu hau hodi koalia programa sira ne’ebe Universidade Katolika Atma Jaya halo,” dehan Prof. Turuna.

Prof. Turana informa, iha nia hasoru mlau ho PR Ramos-Horta alende koalia kona ba programa principal universidade nian ne’ebe halao ona iha Timor-Leste, koalia mos kona istoria universidade nian no mos mensajem edukasaun ne’ebe foti husi hanoin Papa Francisco nu’udar lider universal Igreja Katolika Mundial nian.

Nia mos hateten, dadauk ne’e UNIKA Atma Jaya Jakarta fo hela bolsu estudu ba Timoroan nain 59 ho finansiamentu integral.

Iha programa seluk, UNIKA Atma Jaya Jakarta mos sei halo perseiria ho universidade balun iha Timor-Leste hodi troka estudante sira, inklui mós kooperasaun téknika iha área oioin hanesan Siénsia Laboratóriu, Teknolojia, no Bioteknolojia.