Timor-Leste Sei Realiza Forum Negosius Internasional

DILI, www.news-viptv.com – Atu promove Timor-Leste iha setor oi-oin, Timor-Leste iha iha 23-25 Novembru 2023, sei sai uma nain ba Forum Negosius Internasional ne’ebe sei realiza iha Dili.

Vise Primeiru Ministru no Ministru Koordenador Assuntu Ekonomia no Ministru Turismu e Ambiente, Francisco Kalbuadi Lay esplika, realizasaun Forum Negosius Internasional ne’e maka nia informa ba Prezidenti Republika, Jose Ramos-Horta.

“Forum ne’e sei partisipa hosi emprezariu lubuk ida, hosi ASEAN, pasifiku, Xina, Koreia, Japaun no sel-seluk tan,” dehan Francisco Kalbuadi Lay ba jornalista sira hafoin hasoru PR Ramos-Horta, Tersa (14/11/2023), iha Palasiu Prezidensial, Dili.

Iha realizasaun Forum Negosius Internasional ne’e, Governu sei servisu hamutuk ho Camara Comercio Industria Timor-Leste (CCI-TL) ne’ebe koordena hosi Jorge Serano.

Alende informa kona ba Forum Negosius Internasional, asuntu seluk ne’ebe hato’o maka kona ba progressu Timor-Leste nian adezaun ba Organizasoen Mundial Komersiu (OMK).

“Adesaun ba (OMK) finaliza ona, falta deit kompleta lejislasaun ida, aban lori ba konsellu ministru aprova, depois ratifika ba Parlamentu Nasional no sei lori mai ba prezidenti republika,” dehan governante ne’e.