Timor-Leste Realiza Konferénsia Ekonomia no Negósiu Timor-Leste ho Austrália

DILI, www.news-viptv.com – Hodi dezemvolve ekonomia no negosiu iha Timor-Leste, Governu Timor-Leste no Australia realiza Konferénsia Ekonomia no Negósiu ba daruak nian entre Timor-Leste ho Austrália durante loron rua hahu 7-8 Agostu 2025, iha Centro Convenções Dili.

Konferensia ne’ebe loke offisialmente husi Primeiru Ministru Kay Rala Xanan Gusmão ho objetivu hodi fasilita emprezáriu husi nasaun-rua ne’e atu serbisu hamutuk hodi halo explorasaun ba oportunidade ekonomia, negósiu no investimentu iha nasaun rua ne’e ho finalidade atu kontribui ba prosesu dezenvolvimentu ekonomia.

Vise-Primeiru-Ministru no Ministru Koordenadór ba Asuntu Ekonómiku, Ministru Turizmu no Ambiente, Dato’ Seri Francisco Kalbuadi Lay, liuhusi nia diskursu kontinua enkoraja ema hotu liuliu partisipante sira husi nasaun-rua atu kontinua ativu hodi rona, partilla esperiénsia, nakloke no kolabora malu ba progresu dezenvolvimentu ekonomia no negósiu nasaun rua nian.

“Ita halibur hamutuk ih ane’enu’udar belun, nu’udar parseiru no nu’udar koleha ne’ebe hot-hotu servisu hamutuk ho objetivu ida ne’ebe hanesan atu apoia Timor-Leste nia dalan ba dezenvolvimentu ekonomiku ne’ebe sustentavel no future ne’ebe diak liu ba ema hotu,” dehan Francisco Kalbuadi Lay.

Iha Segundu Konferénsia Ekonomia no Negósiu Timor-Leste ho Austrália ne’e asina mos nota entendimentu entre Kámara Komérsiu no Indústria Timor-Leste ho Timberland, Melbourne, Austrália.

Konferénsia Ekonomia no Negósiu ba daruak ne’e, Primeiru-Ministru, Kay Rala Xanana Gusmão, konsidera importante tebes atu troka esperiénsia ba malu, liuliu PM Xanana fó énfaze ba CCITL atu serbisu maka’as liu tan hodi promove proodutu manufatura ba rai-liur, tanba PM Xanana nota iha konferénsia ba da huluk seidauk iha impaktu pozitivu ruma liuliu iha parte manufatura no seluk tan.

Partisipa iha konferénsia ne’e Ministra ba Dezenvolvimentu Internasionál Austrália, Ministra ba Negósiu Ki’ik sira, no Ministra ba Asuntu Multikulturál, Dra. Anne Aly, membru Governu relevante, Prezidente CCITL, emprezáriu Timoroan no mos Australianu sira.

Primeiru Konferénsia Ekonomia no Negósiu entre Timor-Leste ho Austrália ne’e hala’o iha Junu 2024, iha Dili.