Thailandia Sei Uza Vasina COVID-19 Ho Rega ba Inus Ema Nian

DILI, news-viptv.com – Thailandia prepara ona atu koko vasinasaun covid-19 ho rega ba inus ema nian iha ikus tinan 2021.

Publika hosi reuters, Kuarta (11/08/2021), offisial Governu Thailandia esklarese, teste (uji coba) ba ema halao hafoin hetan rezultadu ne’ebe garantidu hosi teste ba animal laho.

Vise Porta-Voz Governu Ratchada Thanadirek esklarese, vasina rua corona nian ne’ebe fo ho rega deit ba inus ema nian dadauk ne’e dezemvolve hela hosi  Sentru Nasional ba Enjineria Jenetika no Bioteknolojia. Vaksina refere bazeia ba adenovirus no influenza.

Tuir Ratchada, teste refere sei fo imunidade no proteje hosi variante delta.

Teste faze daruak sei kontinua to’o Marsu tinan oin. Wainhira nia rezultadu diak, target produsaun sei uza barak iha mediu 2022.

Peskiza halao ona hosi nasaun balun iha mundu hodi dezemvolve vasina rega ba inus nian hodi ajuda ba prevensaun no kura COVID-19, liliu area inus nian ne’ebe sai odamatan prinsipal ba virus refere.

Dadauk ne’e, vasinasaun Thailandia uza sona Sinovac, AstraZeneca no Sinopharm hosi Xina. Vasina Pfizer fo ba doze datoluk ba mediku iha lina frente sira ne’ebe simu ona doze kompletu Sinovac nian.

Data ne’ebe publika, 6,8 % populasaun hosi total populasaun miliaun 66 iha Thailand maka simu ona doze kompletu.