Tama ASEAN, PR Tenki iha Kapasidade no Hatene Sistema ASEAN

LIQUISA, www.news-viptv.com – Atu sai membru nasaun ASEAN persiza xefi estadu ne’ebe matenek no iha kapasidade no hatene Sistema iha ASEAN laran hodi nune’e Timor-Leste bele tama ona nudar membru ASEAN.

Iha Liquisa, liu hosi komisiu politiku kandidatu prezidneti republika, Jose Ramos Horta esplika ho mudansa teknolojia dadauk ne’e, sai xefi estadu laos hein sai viagem deit hodi halo koperasuan bilateral, maibe bele mos uza karta elektroniku no tele konferensia hodi kontinua halo komunikasaun ho nasaun seluk.

Kandidatu ho numeru 14 ne’e promesa katak nia sei halo mudansa ba Timor-Leste durante tinan 5 nia laran no sei servisu hamutuk hamutuk ho governasaun ne’ebe sei lidera hosi Xanana Gusmao.

iha komisiu ne’e, Prezidenti Partidu CNRT Xanana Gusmao mos apela ba povu Liquisa atu hili Ramos Horta hodi hatur hikas konstituisaun ne’ebe hetan violasaun ona no garante wainhira Horta eleitu ba Prezidneti republika sei halao tan dezemvolvimentu ne’ebe durante ne’e paradu.

Nune mos Railos ho Gil Oan Suru husu ba ekipa adversariu atu lalika tan bosok povu ho sira nia politika infantil, tamba povu hatene ona se maka sira.

Reportagem: Justinho Mendonca