DILI, www.news-viptv.com – Olanda nu’udar nasaun membru Uniaun Europeia fiar katak adezasaun Timor-Leste ba ASEAN sei lori Timor-Leste dezemvolve liu tan iha futuru.
Assuntu ne’e hato’o husi Embaixadór Holanda, Marc Gerristen ba jornalista sira, hafoin hasoru-malu ho Primeiru-Ministru (PM), Kay Rala Xanana Gusmão, Sexta (26/9/2025), iha Palacio do Governo, Dili.
Embaixador Holanda Marc Gerristen, fiar katak ida-ne’e mak pasu importante bá Timor-Leste nu’udár parte ida hosi komunidade ida ne’ebé bo’ot liu iha Sudeste Aziátiku.
“Nu’udár Embaixadór Olanda nian ba Timor-Leste, ha’u kongratula Primeiru-Ministru no kongratula Estadu ida ne’ebé sei adere bá ASEAN iha tempu besik,” dehan Marc Gerristen.
Olanda hanesan parseiru dezenvolvimentu ASEAN nian, sei kontinua servisu hamutuk ho ekipa hosi Timor-Leste no nasaun sira seluk iha rejiaun ne’e hodi apoia dezenvolvimentu ekonómiku.
Embaixador ne’e fiar katak, kooperasaun no integrasaun Timor-Leste bá ASEAN ho nasaun sira ne’ebé ekonomia avansada sei halo sai forte liu-tán iha ninia dezenvolvimentu sira.
Embaixador ne’e mos diskute ho Primeiru-Ministru kona-bá futuru Timor-Leste nian, inklui oportunidade bá foinsa’e sira atu estuda iha rai li’ur hodi dezenvolve sira-nia abilidade iha área sira hanesan agrikultura no produsaun ai-han.
