SECOMS Halo Koperasaun ho Media 14

DILI, www.news-viptv.com – Atu publika informasaun ne’ebe kritiku, lo’os no bazea ba faktus, Sekretaria Estadu Komunikasaun Sosial (SEKOMS) halo koperasaun ho media 14 iha Timor-Leste.

Koperasaun ne’ebe SEKOMS halo ho media 14 (jornal no online) ne’e selebra liu hosi asina kontratu entre Sekretariu Estadu Komunikasaun Sosial, Expedito Dias Ximenes ho Diretor hosi media 14, Kinta (8/2/2024), iha Salaun Konferensia PCM, Palacio do Governo, Dili.

“Ba seluk ne’ebe la tama lista ne’e, avaliasaun hosi SEKOMS katak media balun sedauk priense rekizitus,” dehan sekretariu estadu ne’e.

Kontratu ne’ebe SEKOMS halo ho media sira ne’e ho durasaun fulan 11 hahu hosi Fevereiru to’o Dezembru 2024.

“Atu kontrola média sira ami iha ekipa ida monitorizasaun, levantamento no avaliasaun hodi kontrola media sira, li-liu jornal waihira sira haruka ba munisipiu no mos média online sira pública informasaun tuir faktus ne’ebe iha kalae,” hateten Expedito.

Iha fatin hanesan, SEKOMS mos lansa Livru Plano Estratégiku 2024-2028 ba media sira hodi sai hanesan surat tahan mutin ida atu hare saida mak IX Governo Konstitusional sei halo iha area Komunikasaun Sosial durante tinan 5.

Media 14 ne’ebe halo koperasaun ho SECOMS ne’e maka, STL, GMN, Timor Post, Jornal Independente, Dili Post, Gardamor Tv, hatutan.com, Lafaek News, Média Mudança, Média One Timor, VIP TV, TVeT, Labeh, no Smnnews.