Saude ba Inan Feto Sira no Saude Eskolar Sai Atensaun WHO SEARO iha Timor-Leste

DILI, www.news-viptv.com – Timor-Leste iha vizita servisu Saima Wazed, Diretora Rejionál Organizasaun Mundiál Saúde bá Rejiaun Sudeste Aziátiku (WHO-SEARO, sigla Ingles) tau asuntu saude ba inan feto sira no saude eskolar nu’udar ajenda prioridade ba nia ajenda.

Ho ajenda rua ne’ebe tama iha nia roadmap servisu, hamutuk ho Ministra Saúde, Elia Amaral, Saima Wazed hasoru malu ho Primeiru-Ministru, Kay Rala Xanana Gusmão, iha Palacio do Governo, Dili, Sexta (23/8/2024).

“Regional Director husi WHO-SEARO nian ne’e mai atu relata de’it servisu sira ne’ebe mak durante ne’e apoiu ba iha Timor-Leste. Nia mai ho nia roadmap rasik ne’ebe mak prinsipal liu oinsa atu lori saúde ba iha inán feto sira, husi labarik feto sira ho mós adolesente sira i mós ba populasaun sira vulneralidade,” dehan Elia Amaral ba jornalista sira hodi informa mos PM Xanana agradese ba apoia WHO ne’ebe apoia ona setor saude iha Timor-Leste.

Atu lori saúde ba iha Inán feto sira, hahu husi labarik feto ba to idade adolesente sira, esplika ministra, persiza mos iha edukasaun iha eskola, liliu oinsa halo prevensaun iha edukasaun.

“Nia foka mós ba iha saúde eskolar hanesan mos ita horseik akompanha ba iha Itá nia primeira visita ba eskola 10 de Dezembro eskola ida horceik nian, ne’eba mos senhora ne’e hakarak atu oinsa fo prevensaun edukasaun, oinsa mak atu bele husi idade eskolar nian atu hatene didiak saúde eskolar ne’e atu nune’e bele hetan prevensaun antes ke sira halo ba to iha moras ne’e rasik,” hateten ministra saude ne’e.

Kona ba saude escolar, nia esklarese, Ministério Saúde ho Ministério Edukasaun asina memorandum intendimentu konjunta atu nune’e bele hadia diak liu tan bá iha prestasaun saúde eskolar nian.