banner 1000x250

Rogerio Manuel Guterres eleita ba Xefi Aldeia Fuslam sem Votasaun  

  • Share
Rogerio Manuel Guterres, Xefi Aldeia Fuslam
banner 728x90

Dili, www.news-viptv.com – Rogerio Manuel Guterres eleita ba xefi aldeia foun ba Aldeia Fuslam iha Suku Bairo Pite, Postu Administrativu Dom Aleixo, Munisipiu Dili hafoin iha loron eleisaun eleita sem votasaun.

Rogerio Guterres eleita seim votasaun tamba iha loron eleisaun nia avansa nu’udar kandidatu uniku no laiha tan kandidatu seluk no tuir lei wainhira kandidatu ida maka laiha tan konkorente seluk iha loron eleisaun nia eleita automatikamente.

banner 1000x250
Xefi Aldeia Fuslam sessante, Joaninha Alves Soares (hatudu kartaun eleitoral) forma iha lina iha sentru votasaun Aldeia Fuslam, Suku BAiro Pite, PA Dom Aleixo, Munisipiu Dili. Foto: Yanti Fatima / VIP TV

“Orgullo no agradese tebes ba komunidade tomak husi Aldea Fuslam nebe foo fiar mai hau sai hanesan xefi aldeia ba iha aldeia ida ne’e,” deklara Rogerio Guterres ba viptv, sabadu (28/10/2023), iha Sede Aldeia Fuslam, Kakauldiun, Dili.

Hanesan sidadaun ida ne’ebe simu ona responsabilidade foun nu’udar xefi aldeia, nia hateten sei la hamonu konfiansa ne’ebe komunidade sira fo ba nia no pronto atu dezemvolve aldeia no rezolve preokupasaun komunidade sira.

“Hau nudar xefi aldeia foun ba Fuslam buat ne’ebe mak hau atu halo mak sei kontinua servisu ne’ebe maka xefi aldeia sesante halo ona ba komunidade no mos buat ruma nebe mak sei falta hau sei hadia failansu ne’ebe iha. Hau nia dezesu tomak ba aldeia ne’e nian hau hakarak hametin paz, unidade no harmonia ba iha komunidade nia laran,” nia hateten.

Rogerio Guterres troka Joaninha Alves Soares ne’ebe iha eleisaun lider komunitaria ne’e mos avansa hosi kandidata an ba xefi suku.

Iha fatin hanesan, Evangelisto Gantry dos Santos Meilana nu’udar komunidade Aldeia Fuslam husu ba xefi aldeia foun bele hamosu programa barak ba foin-sa’e sira li-liu iha programa juventude, desportu, arte no kultura.

“Hau nia esperansa ba xefi aldeia foun, hau konese nia diak no sempre iha idea kreativu no inovativu liliu ba programa joventude sira, tamba ne’e espera ba oin Rogerio bele fasilita talenta foin-sa’e sira iha Kakaulidun (Fuslam) iha area oioin, liliu iha desportu, arte no kultura,” dehan Gantry.

Aldeia Fuslam konesidu ho naran MAMURA ou Kakaulidun iha tempu okupasaun Indonesia no Eis Komandante das FALINTIL, atual Primeiru Ministru Kay Rala Xanana Gusmão mos iha tempu resistensia iha subar fatin iha Kakaulidun wainhira halo nia funu gerilla.

Total hamutuk komunidade iha Aldeia Fuslam ema nain 774.

  • Share

Leave a Reply

Your email address will not be published. Required fields are marked *

error: Content is protected !!