banner 1000x250

Rev. Amu Martinho Gusmão, Amu Ne’ebe Sempre Kritika Makas Governu

Rev. Amu Martinho Gusmao ho Prezidenti Republika, Francisco Guterres Lu-Olo. Photo: Julio Fernandes/M-PR
banner 728x90

DILI, news-viptv.com – Ba sarani Katoliku Timor-Leste naran Amu Martinho Gusmão laos foun, amu ne’ebe halao knar iha Diocese Baucau ne’e konesidu ho nia kritika makas hasoru governu ba kualker dezisaun ne’ebe la benefisia ba povu.

Alende ne’e, Rev. Amu Martinho Gusmão mos sempre hakerek opiniaun barak ne’ebe publika iha jornal nasional sira, inklui sai orador principal iha seminar no workshop nasional ho internasional.

banner 1000x250

Rev. Amu Martinho Gusmão, offisialmente hetan suspensaun ona hosi Bispo Diocese Baucau, D. Basilio do Nascimento hosi nia knar nudar amu lulik, liu hosi karta diocese nian ne’ebe publika loron 30 Agostu 2021.

Suspensaun ne’ebe Bispu Diocese Baucau hasai bazeia ba Karta Amu Martinho Gusmão nian ne’ebe hatama iha 25 Janieiru 2020 ba nia Bispo Diocessano hodi husu renunsia ba nia Ministeriu Sacerdotal katak hapara nia kna’ar nudar amu lulik.

Bispu Diocese Baucau ne’e mos esplika, iha 4 Fevereiru 2021, Amu Martinho Gusmão haruka surat ida ba Santo Padre hodi husu nia demisaun ba nia estadu clerical, katak husu atu la moris ona tuir estatutu Nai Lulik nian.

Rev. Amu Martinho Gusmao nu’udar oan hosi Francisco Gusmão ho Amelia da Silva. Moris iha Baucau 22 Maiu 1968. Simu batismu iha 17 Novembru 1969 hosi Padre Afonso Maria Nache, SDB.

Nia Primeira komunaun halo iha 11 Juni 1979 hosi Padre Manuel Morais de Carvalho Magalhães SDB. No iha 14 Outubru 1983 simu krisma hosi Mgr. Carlos Filipe Ximenes Belo, SDB, administrador apostolico Diocese Dili.

Nia kareira nudar Amu Lulik hahu wainhira entrega nia an total ba vida uma kreda nian ho simu Diakono iha 26 Fevereiru 1998, iha Igreja Katedral Malang, hosi Mgr. H.J.S. Pandoyoputro, OCarm, Bispo Diocese Malang. No nia Presbitero simu iha 8 Setembru 1998, hosi Dom Basilio do Nascimento, Pro Katedral Baucau.

Ikus ne’e, Rev. Amu Martinho Gusmao mos publiku barak maka deskuti katak sei kandidata an ba Prezidenti Republika periodu 2022-2027.

Rev. Amu Martinho Gusmao mos durante besik besik ho eis Prezidenti Republika no Primeiru Ministru, Kay Rala Xanana Gusmao ne’ebe mos nudar Prezidenti Partidu CNRT.

Partidu CNRT, durante ne’e susesu fo apoiu ba kandidatu sira ba kadeira RDTL-1 hahu hosi eis Prezidenti Republika Jose Ramos Horta, Taur Matan Ruak no ikus Francisco Guterres Lu-Olo.

Response (1)

  1. Ema ida ex-padre mós sei bolu Amo ne’e, meu Deus pah

    Kritika Governu la iha problema maibé problema mak Governu seluk nia nunka mais kritika maibé governu ida ne’e de’it, hatudu katak iha buat balun mak lalos…

    Ha’u hare’e ba média ida ne’e heee fali mak…

Leave a Reply

Your email address will not be published. Required fields are marked *

error: Content is protected !!