Rekordista FIFA World Cup Fontaine Mate

DILI, www.news-viptv.com – Just Fontaine legendariu futebol hosi Franca ne´ebe konesidu nu´udar rekordista FIFA World Cup ho golu 13 iha jogu kopa mundial ida, mate hafoin hakotu nia is iha tinan 89, Kuarta (1/3/2023).

“Hau nia rekor sei mantein,” dehan eis jogador avansadu ne´e iha tinan 2002. “Hau hanoin hau sei lori ba hau nia rate.”

Prediksaun ne´ebe lo´os to´o nia mate, rekorde ninian nu´udar jogador ne´ebe halo golu barak iha eventu ida kopa mundial nian rekorde Fontaine nian sedauk nakfera, realidade tinan 65 ona laiha jogador ida maka liu nia no sei mantein nafatin iha tempu ne´e.

Fontaine moris iha tinan 1933 iha sidade Marrakech, Maroko, hosi aman Franca no inan Espana. Fontaine ho idade tinan 20 wainhira muda ba Franca hodi joga ba OGC Nice. Golu 53 hosi jogos 82 ho klubu hosi sul ne´e tau atensaun Stade Reims, sentru jogu Franca tempu ne´eba no mos ba selesaun Franca.

Entre 1953 no 1960, Fointaine halo golu 31 ho jogos 21 ba Les Bleus. Reprezenta Franca iha FIFA World Cup 1958 Swedia, jogador avansadu ne´e halo golu 13 ne´ebe extra-ordinariu, golu barak liu kompara ho jogador seluk ne´ebe jogu iha eventu ida antes no depois.

Halo golu 4 kontra Alemanha Oeste iha hadau pozisaun datoluk, Fontaine mos halo hat-trick hasoru Paraguay, golu rua kontra Yugoslavia no Norte Irlandia, no golu ida kontra Brasil no Skotlandia.

Nu´udar omenajem ba Fontaine, Presidente FIFA Gianni Infantino hateten: “Ho tristeza ami hatene ona katak Just Fontaine laiha ona (mate). Sai deit ikonu jogos, no nia jogu ne´ebe extra-ordinariu iha 1958 legadu nia nu´udar mais jogador ida kopa mundial FIFA nian iha tempu hotu. Halo golu 13 iha uniku Kopa Mundial FIFA to ó ohin loron laiha ida hasoru. Ain-fatin ne´ebe nia halo iha mundu futebol ema sei hanoin nafatin no nia rekorde. Hau nia kondolensia profundas ba ema ne´ebe mos nia hadomi iha tempu ne´ebe defisil, deskansa ho hakmatek.”