banner 1000x250

Prepara Sai Lider Futuru, Foinsa’e 142 simu Posse nu’udar Membru Parlamento Foinsa’e

  • Share
Diretor Jeral Juventude no Desporto MJDAK, David Tomas de Deus wainhira lidera seremonia juramentu ba membru Parlamentu Foinsa'e Periodu V 2024-2026. Foto: Lucitania Barreto / VIP TV
banner 728x90

DILI, www.news-viptv.com – Hafoin eleita liu hosi eleisaun nian, foinsa’e nain 142, Tersa (12/12/2023) simu posse nu’udar membru Parlamento Foinsa’e ne’ebe hetan prezensa hosi Ministru Juventude, Desportu, Arte no Kultura, Nelyo Isaac Sarmento.

Iha nia deskursu, Nelyo Isaac Sarmento kongratula foinsa’e sira ne’ebe simu ona posse no ba sira ne’ebe termina ona sira nia mandate nu’uMembru Parlamentu Foinsa’e periodu IV.

banner 1000x250

Governu, esplika membru governu ne’e, iha nia politika foinsa’e liu hosi MJDAK kria programa Parlamento Foinsa’e ho objetivu prepara foinsa’e sira hodi bele sai mos lider iha futuru liu hosi atividade oi-oin iha Parlamentu Foinsa’e.

Membru Parlamentu Foinsa’e periodu V foto hamutuk ho Ministru Juventude, desportu, Arte no Kultura, Nelyo Isaac Sarmento hafoin seremonia posse. Foto: Media MJDAK

“Programa Parlamentu Foinsa’e espasu ida hosi estadu ida ne’e atu prepara nia ema to’o tempu ida bele rekruta imi atu sai lideransa,” dehan Nelyo Isaac.

Prezensa inan-aman sira, esplika ministru, sai fator importante bao an sira nia prosesu, no husu atu fo nafatin esperitu konfiansa ba oan sira katak loron ida bele involve iha prosesu desenvolvimentu iha konstrusaun estadu.

Ministru Juventude, Desportu, Arte no Kultura, Nelyo Isaac Sarmento. Foto: Media MJDAK

“Iha kontrusaun estadu wainhira atu hamrik hanesan pais RDTL, tenki iha orgaun soberanu hodi haforte ita nia nasaun, maka aban bairua imi sira ne’e ida ka rua maka sei involve iha orgaun soberanu, foti dezisaun ba futuru nasaun ne’e, entaun programa Parlamentu Foinsa’e espasu ba preparasaun imi nia iha kontrusaun estadu ba futuru. Konstrusaun nasaun, koalia kona ba ema, sidadaun hotu, bainhira ita nia kakutak sira nee amburadul, lakohi iha kapasidade ita sei la garante estadu ne’e atu sai bo’ot,” dehan ministru ne’e.

Tamba ne’e ho programa Parlamentu Foinsa’e, Nelyo Isaac husu ba membru Parlamentu Foinsa’e sira atu bele eskoilla didiak sira nia futuru katak, sei la prepara aan diaik agora, entaun sei la vale iha future.

“Imi eskoilla salah sei aat, eskoilla diak sei susessu,” dehan Nelyo Isaac.

Prezidenti Assosiasaun Parlamento Foinsa’e Timor-Leste (APFTL), Zaulino Gomes da Silva informa katak, iha prosesu selesaun ba membru Parlamentu Foinsa’e periodu dalima ne’e hetan partisipasaun hosi foinsa’e hamutuk 2,149, ne’ebe hosi numeru ne’e 73 % hosi feto.

“Hosi numeru ne’e partisipasaun feto aas liu kompara mane sira ne’ebe iha deit 27%. Foin sa’e ho idade 12-17 sira interese atu kompete ba espasu ida ne’e, Parlamento Foinsa’e estabelese ho rezolusaun governu numeru 23/2009 18 Novembru, ho alterasaun dahuluk 47/2016 Agostu, ne’ebe fo espasu iha aprendejazem foun, oinsa atu debate liga ba jovem ne’ebe govenru kria atu prepara futuru lider kualidade,” dehan Zaulino.

Durante sai membru Parlamentu Foinsa’e, membru sira sei aprende no halo debate barak iha setor oioin hanesan edukasaun, saude, empregu, partisipasaun civika, no kestaun ne’ebe afeta ba foinsa’e sira nia vida, halo ligasaun sosial oinsa komprende komunidade moris lor-loron para wainhira sai lider hatene oinsa iha sentidu hanesan sidadaun ida.

Celina Soares Franklin, alumni membru Parlamento Foinsa’e peridou IV. Foto: Media MJDAK

Reprezenta alumni Parlamentu Foinsa’e periodu dahat, Celina Soares Franklin hateten, sira nia parte agradese ba governu (MJDAK) liu hosi programa Parlamentu Foinsa’e sira konsege hetan duni mudansa iha vida moris nian, inklui ba mudansa iha hanoin.

“Mudansa importante ne’ebe ami hetan maka iha maneira hanoin, sai kritiku kompara ho antes, neesignifika kata kami hare asuntu hot-hotu ho klean, fundamentu ho objetividade laos tuur husik deit liliu ligadu ho asuntu hirak ne’ebe maka kontempla iha politika nasional juventude hanesan asuntu edukasaun, saude, partisipasaun civika, violensia, empregu no emprendorismu,” hateten Celina iha nia intervensaun.

Alende mudansa iha hanoin no abilidade, sira mos konsege aprende valor moris ne’ebe importante, liliu valores moris ne’ebe foinsa’e sira persiza kuda nu’udar foinsa’e no sidadaun ida.

Membru Parlamentu Foinsa’e foun rona hela diskursu Ministru Nelyo Isaac Sarmento. Foto: Lucitania Barreto / VIP TV

“Oportunidade iha Parlamento Foinsa’e diferente no uniku tebes, maski ho idade ho ladauk la naton no ema kestiona labarik ho idade 12-17 atu ba koalia saida, sira atu deskuti saida, maibe iha neba liu hosi saida maka sira kestiona, sira duvida ho idade ida nee liliu ho ho membru Parlamentu Foinsa’e nian hare maneira de hare no kualidade persfektiva, maibe konsege halo ida ne’e liu hosi aprende, interaksaun social, nebe ami nia maluk Parlamento Foinsa’e ho komunidade imprensa, ami lori ida nee mai deskuti, hamosu rekomendasaun sira, aprezenta ba plenaria no hetan aprovasaun hodi entrega rezultadu sira entrega ba orgaun soberanu, atu toma dezisaun politika sira ne’ebe bele rezolve problema nebe ami foti durante mandate,” nia hateten.

Cicilio da Conceição Salsinha nu’udar membru Parlamentu Foinsa’e ba Peridou dalima hosi Munisipiu Ermera hateten nu’udar membru nia pronto hadia aan no prepara joven ida ne’ebe kritiku no bele influência ema seluk ho hahalok ne’ebe moralidade liu husi programa ne’ebe Governo Kria.

“Molok ami eleitu mai, antes ne’e ami tuir selesaun iha kada munisipiu no ami espera katak ami 142 bele kontinua progarama ne’ebe iha ona enkuantu ami mos prontu halo mudansa ba dezafius ne’ebe iha etapa dahat nian hasoru no espera katak ida ne’e sai hanesan materia mai ami hodi estuda no hadia maske ami mai ho idade ne’ebe minimu,” dehan Cicilio Salsinha.

  • Share

Leave a Reply

Your email address will not be published. Required fields are marked *

error: Content is protected !!