PR Ramos-Horta Simu Karta Kredensial hosi Embaixador Nasaun 11

DILI, www.news-viptv.com – Prezidenti Republika (PR) Jose Ramos-Horta, Segunda dadersan (19/2/2024) iha Palasiu Prezidensial, simu karta kredensial hosi embaixador naun residensia nasaun 11.

Embaixador naun rezidensia ne’ebe entrega karta kredensial ne’e maka, Yasser Hassan Faraq Elshemy hosi Ejiptu, Jess Dulton (Canada), Sten Frimodp Nielssen (Dinamarka), Giorgios Dogoritis (Hellenic/Grecia), Mohammad Boroujerdi (Iraun), Ameer Khurram Rathore (Pakistaun), Tean Samnang (Kambodia),  Kamfeuang Phanthaxay (Laos), Nor Eddine Benfreha (Algeria), Mpetjane Kgaogelo Lekgoro (Afrika Sul), no  Daniel Blockert (Suesia).

Entre embaixador 11 ne’e, nain 1 ho nia rezidensia embaixada  iha Singapura maka Hellenic (Gresia), no Algeria ho nia rezidensia embaixada iha Canbera, Australia no 9 seluk ho sira nia rezidensia iha Jakarta, Indonesia.

Nu’udar estadu soberano independente hametin amizade no kooperasaun iha nivel global no rejional imperativu ba Timor-Leste.

Estabelesementu kanal diplomatiku foun sira loke dalan atu hasae kolaborasaun politika, ekonomika, social no kultural ba benefisiu ba malu nasaun hot-hotu ne’ebe involve.