PR Horta Lansa Livru Xanana Lider Luta ba Independénsia Timor-Leste nian

DILI, www.news-viptv.com – Prezidenti Republika (PR) Jose Ramos-Horta lansa livru istoria ne´ebe hakerek hosi Sara Nere kona ba Xanana Gusmão ho tutlu “Xanana Lider Luta ba Independénsia Timor-Leste nian,” Sabadu (16/7/2022), iha Edifisiu Centro  Nacional Chega (CNC) Balide, Dili.

Lansamentu livru Xanana nian ne´e iha iha âmbito aniversariu tinan 5 Centro Chega! ne´ebe iha nia deskursu, PR Horta fo parabens ba instituisaun ne´e.

“Parabens imi nia kualidade servisu mantein imi nia integridade servisu. Ne’e servisu publiku servisu ba ita nia sosiedade no ba mundu,” dehan Horta.

Xefi estadu ne´e konsidera Centro Chega! nudar instituisaun ida importante tanba servisu la’os de’it ba sosiedade Timor-Leste, maibe mos ba mundu.

Iha lansamentu livru ne’e Kayrala Xanana Gusmão apresia tebes ba esforsu autor hakerek nain ba livru referida Sara Nere nebe ho espiritu no fuan boot hodi hakerek kona-ba evolusaun Xanana uluk iha prosesu ba luta ukun-an no iha era independensia.

Xanana salienta mos obstaklu, dezafiu, inklui problema sira sai hanesan sasukat ida ne´ebe nia rasik haree no senti katak divizoens ka fahe malu nomos diferentes ideologia haketak Timoroan dudu nia atu envolve nia an ba prosesu luta nian ikus mai nia konsege halibur Timoroan hotu-hotu sai ida deit hodi atinji independensia.

“Apela ba jovens hotu hotu iha Timor Leste atu esforsu an, estuda makas, badinas lee livru barak hodi bele aumenta ita nia konesimentu kona ba mundu nunee aban bainrua sai jerasaun ida ne´ebe kualifikadu hodi kontinua luta ida ne´e ho dezenvolvimentu,” dehan Xanana.

Hola prezensa iha lansamentu ne´e alende superior Centro Chega!, iha mos korpu diplimatiku isra ne´e halao misaun iha Timor-Leste.