banner 1000x250

PM Xanana Husu ME Hare Kualidade Manorin Sira, Bandu Manorin Involve Arte Marsiais

  • Share
PM Xanana wainhira koalia ba superior Ministeriu Edukasaun sra relasiona ho problema manorin kontratadu hamutuk 1.499 ne'ebe sei termina sira nia kontratu iha 31 Dezembru 2023. Foto: Media GPM
banner 728x90

DILI, www.news-viptv.com – Primeiru-Ministru, Kay Rala Xanana Gusmão husu ba Ministeriu Edukasaun (ME) atu tau prioridade ba kualidade manorin sira, inklui kuantidade tamba eskola barak sei persiza manorin sira.

Xefi Governu hateten asuntu ne’e wainhira halo vizita urjenti ba ME relasiona ho problema manorin kontratadu hamutuk 1.499 ne’ebé VIII Governu kontrata iha 13 Abril 2023 no sei termina iha 31 Dezembru 2023.

PM Xanana iha nia vizita urjenti ba Ministeriu Edukasaun. Foto: Media GPM

Vizita ba ME ne’e, akontese hafoin professores 16 ne’ebé lidera husi Konselleru, Agustinho Soares, eis Diretór Nasional do Dezenvolvimentu do Parque Eskolar iha ME hasoru Xefe Governu iha Palásiu Governu, hodi husu ajuda atu rezolve problema ne’ebé sira hasoru.

Iha vizita urjente ne’e, Ministra Edukasaun Dulce Soares laiha fatin tamba halo hela viazem servisu ba munisipiu nune’e Sekretáriu Estadu Ensinu Sekundáriu Jerál no Tékniku Vokasionál, Domingos Lopes Lemos hamutuk ho  dirijentes no  asessores mak atende.

Ba problema manorin kontratadu sira, PM Xanana hare kompetensia ne’e ME nian hodi bele rezolve rasik, no ba kestaun rua ne’e, PM Xanana hateten katak, avaliasaun sempre halo, avaliasaun ne’e hala’o hodi avalia métodu ensinu professores nian hanesan oinsa mak professor sira hanorin estudantes. Kairala Xanana mós fo korazen ba professor sira atu pasiensia no kontinua hanorin, tanba eskola harii bar-barak presiza profresores atu bele prenxe iha eskolas.

PM Xanana mos husu ba ME iha nia programa sira atu labele focus deit ba merenda escolar no alerta ba manorin sira proibidu labele tama arte marsiais, se karik PM hatene katak, profesores balun mak inklui iha arte marsiais, PM mak sei asina karta hodi exklui husi nia kna’ar nu’udar manorin, tanba realidade hatudu katak bainhira manorin ida tama iha organizasaun Arte Marisiál sei fó impkatu ladi’ak ba estudantes, tamba manorin nia misaun atu serbi la’ós fatin buka servisu.

“Imi nia servisu ne’e atu tau imi nia matenek no professionál hodi fahe tutan ba ita nia oan sira,  tanba estudante mak futuru ba nasaun,” dehan PM Xanana iha pajina official PM nian.

  • Share

Leave a Reply

Your email address will not be published. Required fields are marked *

error: Content is protected !!