ONU ho Governu Halo Revisaun ba Apoia ONU iha Timor-Leste

Dili, www.news-viptv.com – Koordenador Residente Nasoens Unidas iha Timor-Leste hamutuk ho Ministeriu Negosiu Estranjeiru no Koperasaun ho Ministeriu Financas realiza inkontru Steering committee hodi halo revisaun ba Kuadru Koperasaun ba Dezemvolvimentu Sustentavel Nasoens Unidas  (UNSDCF).

Revisaun ne´e hodi hare ba Revisaun Quadrienal Política Abrangente (2020-2024) no importante hodi garantia implementasaun dialogu aberta no inklusivu entre governu ho ekipa ONU nian no parte interesante seluk hodi responde nesesidade no prioridades nasaun.

Iha parte seluk, hodi kapta mos asuntu ne´ebe persiza kolaborasaun ne´ebe forte no apoiu internasional, inklui kestaun mudanças climáticas, impacto pandemia COVID-19 iha area setoriais xavi hanesan saúde, economia no agricultura (segurança alimentar), no mos construi resiliência ba desenvolvimento futuro.

Iha inkontru ne´e kestaun nen ne´ebe aprezenta hosi Ajensia ONU no UNSDCF maka 1. Nutrição, Segurança Alimentar no Agricultura Sustentável (PMA); 2. Oportunidades Econômicas Sustentáveis no Trabalho Decente ba hotu (PNUD); 3. Assesu ba edukasaun ne´ebe kualidade no Resultados no Habilidades Aprendizagem nia ba Longo Vida (UNICEF); 4. Saúde de Qualidade e Bem-Estar (OMS); 5. Governasaun Responsável, Inclusiva no Participativa Serviços Públicos ne´ebe Kualidade (ONU Mulheres); 6. Jestaun Sustentável ba Recursos Naturais no Resiliência ba Mudanças Climáticas (IOM).

Inkontru ne´e hetan prezensa hosi Vise Ministru Finansas Antonio Freitas no Koordenadora Residensia ONU no Diretor Jeral assuntu Multilateral no Rejional MNEK ho mos reprezentante hosi Ministeriu Agrikultura no Peskas, Autoridade Protesaun Sivil.

Diretor Jeral assuntu Multilateral no Rejional MNEK, hare katak importante duni hodi realiza inkontru ne´e nudar plataforma ba governu, ekipa ONU no parte interesante sira hodi deskuti no implementa objetivu hosi objetivu dezenvolvimentu sustentavel nian iha Timor-Leste.