OMS ho Komisaun F PN Fahe Informasaun ba Sistema Saude iha TL

DILI, www.news-viptv.com – Parlamentu Nasional (PN) liuhusi Komisaun F ne’ebe trata asuntu Saúde, Seguransa Sosiál no lgualdade Jéneru halo inkontru ho Organizasaun Saude Mundial (OMS) kona ba sistema saude iha Timor-Leste.

“Enkontru entre Komisaun F ho Organizasaun Saude Mundial iha Timor-Leste, diskusaun ba iha asuntu sistema desenvolvidu saúde iha Timor-Leste hosi sorumutuk ida ne’e ho objetivu hodi bele habelar informasaun no mos loke diskusaun ne’eba klean hodi loke mos koñesimentu membru deputadu sira iha komisaun F sistema saúde Timor-Leste,” dehan Xefe Komisaun F PN Deputada Maria Barreto Gorumali ba jornalista sira, Kinta (15/02/24) iha Parlamentu Nasional, Dili.

Nia mos esklarese, iha inkontru ne’e OMS fo hanoin katak iha Timor-Leste iha númeru ne’ebe maka aas liu-liu kaben sedu nian ne’ebe afeta ba iha mortalidade inan no labarik, inklui mal nutrisaun ne’ebe mak akontese ba labarik no mos ba Inan sira.

“Asuntu saúde seluk ne’ebe mak sai mos risku ba iha ita nia rai laran liuliu ba iha asedu seksual no mos kazu kaben sedu iha ita nia rai laran tamba kaben sedu ne’ebe mak afeta ba iha saúde reprodutivu feto ninian,” nia dehan.

Iha sorumutuk ne’e, OMS mos bele fasilita Komisaun F nian papel oinsa maka halo fiskilazaun ba iha área saúde ninian bele hatene klean liu tan konaba moras hirak ne’ebe maka iha rai laran no mos kriteira ba iha komposizaun no mos rekusu humanus ho fasilidade saúde ninian.