Numeru COVID-19 Sa’e ba 1.015

VIPTV, DILI – Sentru Informasaun Jestaun Krizi (SIJK) iha nia komunikadu imprensa relata numeru kazu konfirmadu COVID-19 sa’e hikas ba 1.015, hafoin hetan tan kazu konfirmadu pozitivu nain 16.

Tuir dadus loron 2 Agostu 2021 (oras 00h00 OTL), ho numeru aumenta refere, total kazu konfirmadu ne’ebe Timor-Leste rejista maka 10.982 ho numeru mate nain 26.

Kordenadór Forsa-Task ba Prevenaun no Mitigasaun Surtu Covid-19 iha Timor-Leste, Dr. Rui Maria of Araújo informa, kazu pozitivu 16 ne’e hetan hosi mane nain 9 no feto nain 7, ne’ebe hosi Dili iha nain 9 no munisipiu seluk nain 7 hosi Aileu nain 3, Ainaro 2 no Covalima 2.

Maski numeru kazu konfirmadu aumenta, Dr. Rui Araujo mos informa iha pasiente nain 30 maka rekoperadu hosi surtu Covid-19.

Nia mos esklarese, maski governu desidi ona Serka Sanitaria ba Municipiu Ermera, no konfinamentu domisiliar jeral ba Postu Administrativu Ermera ho Railaku, autoriza nafatin livre sirkulasaun ba ema ne’ebe simu ona vasina kompleta.