Nain 5 Mate, Hafoin Insidente Aviaun Soke Malu iha Aeroporto Haneda

TOKYO, www.news-viptv.com – Insidenti aviaun soke malu entre aviaun Airbus Japan Airline ho aviaun Guarda Tasi nian ne’ebe akontese iha pista Aeroporto Hanesan, Japaun rezulta ema nain 5 mate.

Insidente ne’ebe akontese iha tuku 17:55 oras Japaun nian ne’e relata ema mate nain 5 ne’e hosi aviaun Guarda Tasi nian, no ema nain 379 hosi aviaun Japan Airlines konsege salva no halai sai ahi bo’ot ne’ebe han aviaun.

Tuir publikasaun Japan Today informa Aviaun Guarda Tasi ne’e ema sira ne’ebe maka atu fo tulun ba vitima rai nakdoko iha Perfektura Ishikawa.

Video sira ne’ebé fahe iha média sosiál hatudu pasajeiru sira hakilar iha kabina laran aviaun nian ne’ebé nakonu ho suar no konsege halai liu husi dalan evakuasaun nian.

“Hau sente katak ami soke ona buat ruma hafoin aviaun tuun. Ha’u haree hosi janela iha liur no kabina laran nakonu ona ho gas no suar,” hateten pasanjeiru ida ba Kyodo.

Porta-voz Japan Airlines hateten katak aviaun 516 mai hosi aeroportu Shin-Chitose iha Hokkaido. Akontese lakleur depois tun iha tuku 17:40 pm.

Primeiru-Ministru Japaun Fumio Kishida fó instrusaun ba ajénsia relevante sira atu koordena hodi avalia lalais estragus ne’e no fó informasaun ba públiku.

Haneda, aeroportu ida husi Tokyo nia aeroportu prinsipál rua, taka kedan hafoin.

Kaoru Ishii, inan ida-ne’ebé hein hela iha portaun to’o nian, hein hela nia oan-feto ho tinan 29 ho nia namoradu hateten sira nia viagem aviaun tarde hodi hein nia oan-feto atu esplika.

“Nia hatete katak aviaun ne’e ahi-han tiha no konsege sai hosi dalan emerjensia. No hau sente Kaman wainhira rona dehan nia diak hela,” hateten Ishii.