Naimori: Armanda Berta Sei Sai PR ba Povu Timor-Leste

LOSPALOS, www.news-viptv.com – Konselleiru Partido Kmanek Haburas Unidade Nasional Timor Oan (KHUNTO), Naimori Bucar iha kampana prezidensial kandidatu Prezidenti Republika, Armanda Berta dos Santos ne’ebe halao iha Viqueque oferese nia lideransa feto ida ne’ebe sei sai Prezidneti Republika ba povo Timor-Leste tomak.

Nudar nia kaben, Naimori esplika nia espousa merese ba prezidneti republika tamba kandidatu ne’e konese los moris povu nian tamba nia rasik mai hosi povu bai-bain.

Entertantu, kandidata ho numeru 9, promesa katak sei hametin no valoriza identidade kultura, lingua no uma lisan ho simbolu arte hotu iha Timor-Leste wainhira eleitu ba prezidenti republika.

Hafoin Viqueque, kampana Armanda Berta dos Santos kontinua realiza iha Lospalos. Iha Lospalos, Naimori deklara, maski nia espousa hetan insulta oioin relasiona ho nia kapasidade, maibe nia sujere hili ema beik diak liu duke matenek nain sira, maibe la hatene servi nia povu.

Nune’e mos Marito Magno nudar prezidenti ba ekipa susesu nian afirma Armanda Berta sei fo prosperiedade ba povu wainhira tuur nudar prezidenti republika.

Salvador suro dos santos bucar nudar konseileiru Partidu KHUNTO hateten wainhira povu hili sira nia kandidatura Timor nia futuru sei matak mos hanesan partidu KHUNTO.

Video Journalist: Violante Guterres